Miércoles 18 de enero 2023 uwitiniu nui Testigos de Jehová takatrin irunturar chichamprin yamaram pachitkia jimiaran anaikiarai tu etserkarmai, nu anairamuka ju ainiawai: Gage Fleegle nuya Jeffrey Winder nu ainiawai. Ninkia nukape uwi Jehovanun takakmasaruiti.

Ii yachi Gage naartinkia Estados Unidosnum Pensilvania nui tsakarmiayi. Ni aparinkia Yuusnan jintintiawarmiayi. Natsamaruyania nui ni aparijiai uchich matsatkamunam nui Yuusa chichame etsermanum yaimkiatai tusar wearmiayi. Urum 20 de noviembre 1988 uwitin imianmiayi.

Jehovanu nu nukap takakmastinian ni apari tuke ikiaka wearmiayi. Ni jeencha wekas iikratin nuya Betelnum takakmau anairamusha tuke jea wearmiayi tuma asamtai ii yachi Gage naartinkia Jehovanu takakmastinkia waratainti tu enentaimmiayi. 1 de septiembre 1989 uwitin precursor regular ajasmiayi. Nuya jimiara uwi nankaamasmanum Betelnum takakmastinian juarkimiayi. Octubre 1991 uwitin Brooklynnum takakmastinian juarkimiayi.

Betelnum pujus 8 uwi papii najantainiam takakmasmiayi nuya urum Departamento de Servicio nui takakmastinian juarkimiayi. Nuyasha iruntramunam ruso chichamjai aujmatainiamunam pachinniuyayi. 2006 uwitin ii umai Nadia naartinian nuatkamiayi nuya nu uwitinia juarki Betelnum takakmasaruiti. Portugués chichamjaisha Yuusa chichame etsermanum yaimkiaruiti. Tura aintsan apach chichamjai etsermanumsha 10 uwi iniankas pachinkiaruiti. Ii yachinkia Departamento de Servicio nui takakmastin iniais antsu Oficina del Comité de Enseñanza nui takakmastinian juarkimiayi tura urum Oficina del Comité de Servicio nui takakmastinian  juarkimiayi. Tura marzo 2022 uwitin Comité de Servicio del Cuerpo Gobernante nui yaimkiattame tiarmiayi.

Ii yachi Jeffrey naartinkia Murrieta, Californianam nui tsakarmiayi. Ni aparisha testigos de Jehová ainiawai tura Yuusnan nekaat tusar jintintiawarmiayi. Urum ii yachi Jeffrey 29 de marzo 1986 uwitin imianmiayi. Nuyasha precursor auxiliar ajasmiayi. Nuya urum 1 de octubre 1986 uwitin precursor regular ajasmiayi.

Ii yachi Jeffrey ni jimiara yachin Betelnum pujuarmiania nuna iiyuttsa werimiayi. Tura nui pujus uunt ajasnaka Betelnum takakmastatjai tu enentaimmiayi. Urum mayo 1990 uwitin Betel Wallkillnum ipiawarmiayi.

Ii yachinkia Betelnum pujus warinmansha takakmasmiayi. Ninkia Departamento de Limpieza nuya Departamento de la Hacienda tura aintsan Oficina de Betel nuisha takakmasmiayi. 1997 uwitin ii umai Angela naartinian nuatkamiayi, tura nunia juarki maimtaik Betelnum takakmasaruiti. Tura 2014 uwitin Warwick nui central mundial jeamkartiniuyania nui yaimkiarat tusar akupkarmiayi. Antsu 2016 uwitin Centro Educativo de la Watchtower Pattersonnum wearmiayi, tura nui ii yachinkia Servicios de Audio y Video nui takakmasmiayi. Nuyasha 4 uwi nankaamasmanum ii yachi ni nuarijiai ataksha Warwicknium waketkiarmiayi tura ii yachinkia Oficina del Comité de Personal nui yamaikia yaimkiattame tu tiarmiayi. Tura aintsan marzo 2022 uwitin Comité de Personal del Cuerpo Gobernante nui yaimin ati tusar anaikiarmiayi.

Ii yachi jimiaran anairajnia nuka iin yainkratkarat tusa Jehovanu anairamu ainiawai (Ipi. 4:8). Jehovanu nukap yaimiainia asarmatai Jehová seakur ni yainkiarta tu seaji.