Ha pa 1 maˬ 18 nyi shinˉ peuˬ 3 nyi 2023 hkʼawꞈ, vehˆsaiˉ jw.org hkʼaw a yeˇ uiˍ jaˇ ve awˬ lawn shiˍ laˇ kaˇ laˇ ve, awˬ viˉ awˬ nyi Kehˇ Fe˗guiˇ leh awˬ viˉ awˬ nyi Cehˆ˗finˇ Ve˗deuˇ Yaˬhoˉvaˬ ve Shaˉhkiˆhkanˍ ve chaw Uˉ peunˍ ve Kawˍmiˍtiˍ te tuˬ leuˆ yuˬ piˇ ve yoˬ. Awˬ viˉ awˬ nyi chi ve 2 gʼaˇ Yaˬhoˉvaˬ ve kanˉ ka tiꞈ yeˬ ve hkʼaw laiˉ hkʼawꞈ te laˬ˗oˬ ve yoˬ.

Kehˇ ve awˬ pa awˬ e Yaˬhoˉvaˬ ve Shaˉhkiˆhkanˍ ve chaw hpehꞈ ve yoˬ. Yawˇ hui Aˍmeˬriˆkaꞈ mvuhˇ miˬ Hpenˬsinˬveˬni˗aˬ lo mvuhˇ nyi kʼehˬ hpawˇ lo chehˇ ve yoˬ. Oˇ ve teˇ yanˇ awˬ viˉ awˬ nyi Kehˇ yaˇ nehˬ hpehꞈ ve yoˬ. Yawˇ hui ve yehˬ kʼa venˇ ehˉ hkʼaw ca chehˇ˗e ve yoˬ. Oˇ kaˬ lo hto toˇ ve chaw loˍ jaˇ ve yoˬ. Peuˬ hkʼawꞈ nawˉ maˇ maw, Ha pa 11 maˬ 20 nyi 1988 hkʼawꞈ htaˇ yawˇ Baˆtiˆsaˬ haꞈ yuˬ ve yoˬ.

Kehˇ ve awˬ pa awˬ e yawˇ Gʼuiˬ sha ve kanˉ awˬ yanˇ hkʼa biˇ te tuˬ awˬ gʼaˇ piˇ ve yoˬ. Yawˇ hui lehˬ toˇ nyi shehˍ hpaˇ leh Beˍteˍlaˆ hkʼaw ve awˬ viˉ awˬ nyi yawˇ hui ve aˉ hkʼaw lo laˬ tuˬ jehˬ piˇ ve yoˬ. Hkʼe te leh, awˬ viˉ awˬ nyi chi ve teˇ hpaˍ Gʼuiˬ sha ve kanˉ te ve hkʼaˬ hkʼe taw ha lehˬ jaˇ ve htaꞈ awˬ viˉ awˬ nyi Kehˇ gʼa mawˬ ve yoˬ. Awˬ viˉ awˬ nyi Kehˇ Baˆtiˆsaˬ haꞈ yuˬ peuˬ hkʼawꞈ nawˉ maˇ maw, Ha pa 9 maˬ 1 nyi 1989 hkʼawꞈ htaˇ, yawˇ hkʼaˬ htaˆ kaꞈ gʼuˇ suhˍ peuˍ ve te ve yoˬ. 2 hkʼawꞈ peuˬ hkʼawꞈ nawˉ yawˇ a shaꞈ 12 hkʼawꞈ htaˇ dawˇ teh taˍ ve awˬ ceuˬ htaꞈ te gʼa ve lehˬ, Beˍteˍlaˆ hkʼaw kanˉ te ve yoˬ. Ha pa 10 maˬ 1991 hkʼawꞈ htaˇ, yawˇ Buˆlinˍ Beˍteˍlaˆ hkʼaw kanˉ tanˬ te ve yoˬ.

Awˬ viˉ awˬ nyi Kehˇ Beˍteˍlaˆ hkʼaw liꞈ kʼoˆ tawˉ nehˉ ve 8 hkʼawꞈ te ve yoˬ. Peuˬ hkʼawꞈ nawˉ yawˇ Gʼuiˬ sha ve kanˉ te ve hpawˇ awˬ vuiˬ awˬ suhˉ kʼawꞈ gʼa ve yoˬ. Oˇ ve teˇ yanˇ yawˇ Ruˇsaˆ ve Hkriꞈ yaˇ awˬ moˍ hkʼaw Gʼuiˬ sha ve kanˉ te ve 2-3 hkʼawꞈ gaˬ˗oˬ ve yoˬ. 2006 hkʼawꞈ htaˇ, yawˇ Na˗din htaꞈ heuˆ daꞈ leh Beˍteˍlaˆ hkʼaw kanˉ teˇ geh te ve yoˬ. Yawˇ hui Pawˬtuˬgiˬ tawˇ hkawˇ yaw ve Hkriꞈ yaˇ awˬ moˍ hkʼaw chehˇ leh, peuˬ hkʼawꞈ nawˉ yawˇ hui Saˬpenˬ tawˇ hkawˇ yaw ve Hkriꞈ yaˇ awˬ moˍ hkʼaw 10 hkʼawꞈ hpaˆ chehˇ ve yoˬ. Yawˇ hui Gʼuiˬ sha ve kanˉ te ve hpawˇ laiˉ hkʼawꞈ te peuˬ hkʼawꞈ nawˉ, awˬ viˉ awˬ nyi Kehˇ maˍ ve Kawˍmiˍtiˍ awˬ moˍ shiˍ laˇ kaˇ laˇ ve hkʼaw awˬ vuiˬ gʼa te ve yoˬ. Peuˬ hkʼawꞈ nawˉ Kehˇ Uˉ peunˍ ve Kawˍmiˍtiˍ Gʼuiˬ sha ve kanˉ te ve hpawˇ ga piˇ paˍ hpehꞈ ve yoˬ. Ha pa 3 maˬ 2022 hkʼawꞈ htaˇ, Uˉ peunˍ ve  Kawˍmiˍtiˍ awˬ moˍ hkʼaw Uˉ peunˍ ve Kawˍmiˍtiˍ Gʼuiˬ sha ve kanˉ te ve hpawˇ ga piˇ paˍ te tuˬ leuˆ yuˬ piˇ ve yoˬ.

Aˍmeˬriˆkaꞈ mvuhˇ miˬ Hkeh˗liˆfaw˗ni˗a lo Mo˗ri˗o˗taˇ venˇ hkʼaw awˬ viˉ awˬ nyi Cehˆ˗finˇ chehˇ uiˍ la ve yoˬ. Yawˇ ve awˬ pa awˬ e Yaˬhoˉvaˬ ve Shaˉhkiˆhkanˍ ve chaw hpehꞈ ve yoˬ. Ha pa 3 maˬ 29 nyi 1986 hkʼawꞈ htaˇ, yawˇ Baˆtiˆsaˬ haꞈ yuˬ ve yoˬ. Leh peuˬ hkʼawꞈ nawˉ yawˇ teˇ tcuhˉ teˇ yanˇ gʼuˇ suhˍ peuˍ ve te ve yoˬ. Kanˉ chi ve htaꞈ yawˇ dawˇ cawˇ jaˇ leh caˉ leh te ve yoˬ. Teˇ tcuhˉ teˇ yanˇ gʼuˇ suhˍ peuˍ ve te ve laiˉ ha pa peuˬ hkʼawꞈ nawˉ, Ha pa 10 maˬ 1 nyi 1986 hkʼawꞈ htaˇ, yawˇ hkʼaˬ htaˆ kaꞈ gʼuˇ suhˍ peuˍ ve te ve yoˬ.

Awˬ viˉ awˬ nyi Cehˆ˗finˇ yaˇ nehˬ htaˇ, yawˇ ve awˬ viˉ paˍ 2 gʼaˇ Beˍteˍlaˆ hkʼaw kanˉ te chehˇ ve geh ca guiˇ˗e ve yoˬ. Chi yawˇ yaˇ nehˬ hpehꞈ˗oˬ htaˇ, Beˍteˍlaˆ hkʼaw kanˉ te gaˇ tuˬ te piˇ ve yoˬ. Leh Ha pa 5 maˬ 1990 hkʼawꞈ htaˇ, Vaw˗hkin Beˍteˍlaˆ hkʼaw yawˇ kanˉ te la tuˬ kuˬ piˇ ve yoˬ.

Awˬ viˉ awˬ nyi Cehˆ˗finˇ Beˍteˍlaˆ hkʼaw kanˉ laiˉ ceuˬ te ve yoˬ. To nuˇ to shaˆ haw kuiˬ hkʼaw daꞈ kehˬ tuˬ te leh Beˍteˍlaˆ hkʼaw kaꞈ daꞈ kehˬ tuˬ te ve yoˬ. 1997 hkʼawꞈ htaˇ, yawˇ Ehn˗ce˗la htaꞈ heuˆ daꞈ leh oˇ ve teˇ yanˇ tanˬ leh yawˇ huiˉ maˬ Beˍteˍlaˆ hkʼaw kanˉ teˇ geh te ve yoˬ. Awˬ viˉ awˬ nyi Cehˆ˗finˇ awˬ tcuhˆ puiˍ lonˉ hkʼaw yehˬ te ve hpawˇ ga piˇ cawˇ ve pa taw 2014 hkʼawꞈ htaˇ, yawˇ hui Vawˇviꞈ lo jiˆ kʼai ve yoˬ. 2016 hkʼawꞈ htaˇ, Hpehˆhteuˍshanꞈ lo Vawˆcheuˬhtao˗veuˇbaiˬbeunˇeuˬhtehꞈ awˬ moˍ liꞈ henˇ yehˬ lo yawˇ hui jiˆ kʼai ve yoˬ. Awˬ viˉ awˬ nyi Cehˆ˗finˇ awˬ han htawˍ ve leh awˬ hkawˇ hpaˇ ve hpawˇ kanˉ te ve yoˬ. 4 hkʼawꞈ peuˬ hkʼawꞈ nawˉ, yawˇ hui Vawˇviꞈ lo kʼawꞈ jiˆ kʼai ve yoˬ. Leh awˬ viˉ awˬ nyi Cehˆ˗finˇ Beˍteˍlaˆ ve yehˬ kʼa htaꞈ nyi haꞈ shaˉ ve Kawˍmiˍtiˍ awˬ vuiˬ gʼa te ve yoˬ. Leh Ha pa 3 maˬ 2022 hkʼawꞈ htaˇ, Uˉ peunˍ ve Kawˍmiˍtiˍ Beˍteˍlaˆ ve yehˬ kʼa nyi haꞈ shaˉ ve awˬ moˍ ga piˇ shehˍ hpaˇ gʼa te ve yoˬ.

Awˬ viˉ awˬ nyi chi ve 2 gʼaˇ htaꞈ Yaˬhoˉvaˬ awˬ bon naꞈ piˇ tuˬ ngaˬ hui bon lawˬ ve yoˬ. Yawˇ hui Gʼuiˬ sha ve mvuhˇ miˬ awˬ pon kanˉ te maˇ jaˇ ve htawˇ, yawˇ huiˉ maˬ lehˬ “chaw yaˇ hpehꞈ ve” laꞈ shawnˍ hkʼe hpehꞈ ve yoˬ.—Eˇfeˇsuꞈ 4:8.