WUNSTAXTSĒ 18 Januarib, 2023 i ge ǂhâǂhâsa ǂhôa-e jw.org internets ǂhaweb ai ge hâ i. ǃGâsab Gage Fleegli tsî Jeffrey Winders hâkha ge ǂGaeǂguira soros ǁanise ǁhûihesa. Hoa ǃgâsakha ge Jehovab ǃoabas ǃnâ gaxuse hâ.

ǃGâsab Fleegle i ge Amerkikab ǃnâ ge kai tsî ǁîb ǁgûra xa amab ǃnâ ge kaikaihe. ǂKhamkhoeb aseb ge ǂkhari ǃārosa ǃoa ge doe kai ǂhâsiba ge ūhâ isa. ǁAero i khaoǃgâb ge 20 November 1988, ǃnâ ge ǁāǁnâhe.

ǃGâsab Fleegle i ǁgûra ge hoaǁae gere ǂkhâǃnâbi îb Jehovaba ǀoasase ǃoaba. ǁÎra ge ǃNarimâra mûǂam-aon tsî Betels ǃgâsan tsîna hoaǁae ǁîn omsa ǃoa gere ǁkhau. ǃGâsab Fleegle i ge gere mû matin ge nē ǃgâsana a ǂkhîsa. ǁAero-eb ǁāǁnâhe toa hâs khaoǃgâb ge ge ǁnaetisa aimâba-ao kai 1 Septemberi 1989. ǀGam kurikha khaoǃgâb ge 12 kurixab a hînab ge dī mîǁguiba ge sīǃnâ Betels tawa ǃoabasa. Nēsab ge Brooklyn Betels tawa 1991 Oktober ge tsoatsoa.

Betels tawab ge ǃgâsab Fleegleba ǂkhanina ǁgâiǁaes ai ǁkhaisa kurina ge sîsen tsî ǁnās khaoǃgâ ǀhaohâga ra kōǃgâ departementsa ǃoa ge ǁgaumâihe. ǁNā ǁaeb aib ge Rasian gowab da ǃhoa ǃnâhe ǀhaohâb ǃnâ ǂâusa kuriga ge ǃoaba. ǁÎb ge 2006 ǁîb kaikhoes Nadiasa ge ǃgamme hîna ge Betels tawa ǃoabas ǃnâ a ǁhaobisa. ǁNās khaoǃgâ ra ge Portexes ǂharis ǃnâ gere sîsen tsî Spanjeb ǂharis ǃnâ disis xa ǃnāsa kurina. ǂGui kurigab ǀhaohâga ra kōǃgâ departements ǃnâ sîsen hâs khaoǃgâb ge ǃgâsab Fleegleba ge ǁgaumâihe, îb ǁkhāǁkhās komites ǃnâ ǃoaba. Tsî ǁnās khaoǃgâ aoǁnâ sîsen-e ra mûǂam komitesa ǃoa ge ǁgaumâihe. Tsîb ge Maarti 2022 aoǁnâ sîsen-e  ra mûǂam komites, ǂGaeǂguira soros disa ǃoa ge ǁgaumâihe.

ǃGâsab Winder i ge Amerikab ǃnâ ge kai. ǁÎb ge amab ǃnâ ǁîb ǁgûra xa ge kaikaihe tsî 1986, 29 Maart ge ǁāǁnâhe. Sao ra ǁkhâb aib ge ge mîǁgui huiǃnâra aimâba-ao kaisa. Nēs ge kaise ge ǁkhoaxa i tsîb ge ge aiǃgû. ǁKhân khaoǃgâb ge ge ǁnaetisa aimâba-ao kai tsî 1 Oktober 1986, nēs ǀkha ge tsoatsoa.

ǂKhamkhoeb aseb ge ǃgâsab Winderba ǁîb ǀgam kai abutikha, hîna ǁnā ǁaeb ai Betels tawa gere sîsenkha ge sari. Nē saris ge ǁîb turaba ge ǀgaiǀgai Betelsa ǃoa īsa kaib ga o. Meib 1990 i ge ge ǁkhauhe îb Wallkill Betels tawa sī ǃoaba.

Betels tawab ge ǃgâsab Winderba ǃkharagagu departemendi ǃnâ gere sîsen, ǃanuǃanus tsî ǃhanaǂgās departemen ra ǃkhōǂgā hâse. ǁÎb kaikhoes Angelasab ge 1997 ge ǃgamme tsîra ge ǁnā ǁaeba xu Betels tawa ra ǃoaba. ǁÎra ge 2014 Warwick Betelsa ǃoa ge doe, ǁnāpab ge ǃgâsab Winderba om sisengu ǀkha gere hui. ǁNāpaxu ra ge 2016 Pattersonsa ǃoa ge doe îra Audio/Video departements ǃnâ sîsen. Haka kurin khaoǃgâ ra ge Warwicka ǃoa ge doe-oa tsîb ge ǃgâsab Winderba ge ǁgaumâihe îb Betels omarisa ra hui komites tawa sîsen. Maart 2022 i ge ge ǁgaumâihe îb Betels omarisa ra hui komites ǂgaeǂguira soros dis tawa sîsen.

ǀGore da ge ra îb Jehovaba nē ‘māde ge māhe’ aoga ǀkhae aiǃgû tsî gu ǃgarise ra sîsen hîna Gaosib ǃgâib ǃaroma.—Efe. 4:8.