JEʼM jaama miércoles 18 de enero de 2023, chioyñɨɨm tuum anuncio especial en jw.org: jeʼm tɨwɨtam Gage Fleegle y Jeffrey Winder tsakyajta juʼuts Kumun Nayooxaoyyajpaʼap de jeʼm Jehová itestigojyaj. Dende pekam ikwɨstɨkyaj tsaam iwɨkuyooxaneyaj Jehová.

Jeʼm tɨɨwɨ Fleegle mɨja jeʼm oeste de Pensilvania (Estados Unidos). Jeʼm ijaatun̈yaj in̈kejayyaj jeʼm nuumapɨk an̈kejayoʼoyi. Jesɨk traytyipɨɨxiñam, nɨk ityiyaj tuum xutyu tɨgan̈juj juuty nasuntaap idyɨk yooxpadoʼoyi jeʼm an̈matkuyjom. Chin̈ jeʼm 20 de noviembre de 1988.

Jeʼm ijaatun̈yaj ianmajan̈chiʼiyaj iga ikuyooxaiñ Jehová a tiempo completo. Ityɨkkɨʼɨm ityɨʼpyajpa idyɨk jeʼm superintendentes de circuito y betelitas, y iaʼm iga yɨʼpyaj tɨwɨtam tsaam maymayyaj. Jeʼm jaama 1 de septiembre de 1989, okmɨ iga chin̈neum idyɨk moj kuyooxaoʼoyi juʼuts precursor regular. Y wɨsna amtyɨy okmɨ ikkupak tuum meta iga ikkaʼm jesɨgam iniity idyɨk 12 iamtyɨy: kuyooxaoʼyiñ Betel. Moj kuyooxaoʼoyi jeʼm Betel de Brooklyn en octubre de 1991.

Kuyooxaoy jeʼm taller de encuadernación 8 naamtyɨy, y okmɨ aknɨkta jeʼm Departamento de Servicio. Peʼm tiempo, nɨk yooxpadoʼoyi en tuum kumun iga jɨytyaap ruso. Jeʼm amtyɨy 2006 an̈koʼmɨy kun Nadia, y dende jesɨk kuyooxaoyñeyaj en Betel. Ikwɨstɨkyaj yooxpadoyñeyaj jeʼm an̈matkuyjom en portugués y maaj de 10 amtyɨy en español. Mex iga jaʼyan̈ amtyɨyam sɨʼ ikuyooxaoy idyɨk en jeʼm Departamento de Servicio, jeʼm tɨɨwɨ Fleegle aknɨkta en jeʼm Oficina del Comité de Enseñanza y okmɨ jeʼm Oficina del Comité de Servicio. En marzo de 2022 kupin̈ta iga yooxpadoʼyiñ kun jeʼm Comité de Servicio de jeʼm Kumun Nayooxaoyyajpaʼap.

 Jeʼm tɨɨwɨ Winder mɨja en Murrieta (California). Jeʼm ijaatun̈yaj —iga Testigojyaj— in̈kejayyaj jeʼm Dios In̈maatyi, y chin̈ jeʼm jaama 29 de marzo de 1986. Tuum mes okmɨ iga chin̈neʼ idyɨk moj kuyooxaoʼoyi juʼuts precursor auxiliar, tsaam ikusuʼnɨy, jeʼyukmɨ seguido kuyooxaoy. Y jeʼm 1 de octubre de 1986, tsɨʼy juʼuts precursor regular.

Jesɨk traytyipɨxiñ idyɨk, jeʼm tɨɨwɨ Winder oy ijooyay wɨsteen ityɨwɨtam achpɨkyaj, jeʼeyaj kuyooxaoyyajpam idyɨk Betel. Yɨʼp iyooxpaʼt iga ikoʼmiñ jeʼm solicitud jesɨk kaʼpxiñ jeʼm amtyɨy nasuntapaʼap. Y en mayo de 1990 tɨʼpta en jeʼm Betel de Wallkill.

Jeem jaʼy kuyooxaoʼoyi en waatyi departamentos, juʼuts jeʼm Departamento de Limpieza, jeʼm Departamento de la Hacienda y jeʼm Oficina de Betel. En 1997 an̈koʼmɨy kun Angela, y dende jesɨk kuyooxaoyñeyaj en Betel. Jeʼm amtyɨy 2014 aknɨkyajta Warwick, juuty jeʼm tɨɨwɨ Winder yooxpadoy en jeʼm construcción de jeʼm central mundial. Jeʼm amtyɨy 2016 aknɨkyajta Patterson, jeʼm Centro Educativo de la Watchtower, y jeem yooxpadoy en Servicios de Audio y Video. Cuatro naamtyɨy okmɨ seetyaj Warwick, jeʼm tɨɨwɨ Winder aknɨkta jeʼm Oficina del Comité de Personal. Y en marzo de 2022 kupin̈ta iga yooxpadoʼyiñ kun jeʼm Comité de Personal de jeʼm Kumun Nayooxaoyyajpaʼap.

Tuum wɨbɨk xaaja iga Jehová tachiʼiñeʼ yɨʼpyaj tɨwɨtam (Efes. 4:8). Tanjɨykimyajiñ jeʼm tanan̈wejpadoʼoyijom iga kumayketyajtaiñ por jeʼm yooxakuy iwatyajpaʼap.