ΤΕΤΑΡΤΗ 18 Ιανουαρίου 2023, νικίστιλι εκ ανακοίνωση κο ιστότοπος jw.org, σο βακερέλας ότι ο πφραλά Γκέιτζ Φλιγκλ ντα Τζέφρι Γουίντερ διορισάλε τι υπηρετίνεν κο Κυβερνών Σώμας κι Ιεχωβάσκε Μαρτυρένγκο. Ο ντούι-ντα πφραλά υπηρετίνενα ι Ιεχωβάς πιστά για μπουτ μπρεσά.

Ο πφραλ Φλιγκλ τζουβντιόλας χουρντιαρέλα κι δυτική Πενσυλβανία σο ισί κο ΗΠΑ ντα μπαριλό κι αλήθεια. Κάνα ισινέ τερνό, λέσκι φαμιλί μετακομισάλι εκχέ χουρντέ τθεμέστε σο η ανάγκη τι βακέρντιβεν ο αμπέρια ι Βασιλειάκε ισινέ πο μπαρί. Χάνικ πο σοράν, 20 Νοεμβρίου 1988, ο πφραλ Φλιγκλ μπολντιλό.

Ο ντατ ντα η ντάι ι πφραλέσκι Φλιγκλ πάντα βακερένας λέσκε τι υπηρετίνελ ι Ιεχωβάς ολοχρόνια. Τθερένας συχνά πουμαρέ κχερέστε πφραλέν σο υπηρετίνενας σαρ επίσκοποι περιοχής ντα Μπεθελίτες, ντα ο πφραλ Φλιγκλ ντικχέλας καζόμ χαρούμενοι ισινέ οντουλά πφραλά ντα πφενιά. Χάνικ βακίτι αφού μπολντιλό, αρχισάλο ο τακτικός σκαπανικός​—1η Σεπτεμβρίου 1989. Ντούι μπρεσά σοράν κατά σκαπανικός, πετυχιντάς ο στόχος σο τσσουντάας αζομάν σο ισινέ 12 μπρεσένγκο: τι υπηρετίνελ κο Μπέθελ. Αρχισάλο πι υπηρεσία κο Μπέθελ κο Μπρούκλιν κο Οκτώβριος 1991.

Κο Μπέθελ, ο πφραλ Φλιγκλ κερντάς μπουτί κο Βιβλιοδετείος οχτώ μπρεσά ντα σοράν διορισάλο κο Τμήμας Υπηρεσίας. Οντουβά βακίτι, υπηρετίνελας για κάποια μπρεσά εκχέ κχανγκιριάτε σο κερένας λάφι ρωσικά. Κο 2006, παντρισάλο πι ρομνιάσαρ, με τη Νάντια, ντα βόι αρχισάλι τι υπηρετίνελ λέσαρ κο Μπέθελ. Υπηρετιντέ γιεκ κι πορτογαλική κχανγκιρί ντα πο μπουτ από ντες μπρεσά κι ισπανική κχανγκιρί. Αφού ισινέ μπουτ μπρεσά κο Τμήμας Υπηρεσίας, ο πφραλ Φλιγκλ διορισάλο κο Γραφείος της Επιτροπής Διδασκαλίας ντα πο σοράν κο Γραφείος της Επιτροπής Υπηρεσίας. Κο Μάρτιος κο 2022, διορισάλο βοηθός της Επιτροπής Υπηρεσίας σο τθερέλα ο Κυβερνών Σώμας.

 Ο πφραλ Γουίντερ μπαριλό κι Μουριέτα σο ισί κι Καλιφόρνια κο ΗΠΑ. Σικλιλό ι αλήθεια πι νταντέσταρ ντα πι νταγιάταρ ντα μπολντιλό 29 Μαρτίου 1986. Ο γιαβέρ μάσεκ, αποφασιντάς τι κερέλ βοηθητικός σκαπανικός. Μπεϊντιντάς-λες αζόμ μπουτ σο μανγκέλας τι συνεχίνελ. Αφού κερντάς ο βοηθητικός σκαπανικός μπουτ μασεκά, λιντάς ο τακτικός σκαπανικός 1η Οκτωβρίου 1986.

Κι εφηβεία, ο πφραλ Γουίντερ γκιλό τι ντικχέλ πι ντουέ πο μπαρέ πφραλέν σο οντουβά βακίτι υπηρετίνενας κο Μπέθελ. Ανταγιά επίσκεψη τσσιντιντάς-λες τι μανγκέλ τι κερέλ αίτηση για τι υπηρετίνελ κο Μπέθελ κάνα κα μπαριόλας. Κο Μάιος 1990, καλιντέ-λες τι υπηρετίνελ κο Μπέθελ κο Γουόλκιλ.

Κο Μπέθελ, ο πφραλ Γουίντερ κερντάς μπουτί σε μπουτ τμήματα, σαρ για παράδειγμας κι Καθαριότητα, κο Κτήμας ντα κο Γραφείος Μπέθελ. Κο 1997, παντρισάλο πι ρομνιάσαρ, με την Άντζελα, ντα από αζομάν υπηρετίνενα γιεκ κο Μπέθελ. Κο 2014, γκιλέ κο Γουόργουικ, σο ο πφραλ Γουίντερ βοηθιντάς τι χτίντιβεν ο παγκόσμια κεντρικά γραφεία. Κο 2016, μετακομισάλε κο Εκπαιδευτικός Κέντρος της Σκοπιάς κο Πάτερσον, σο ο πφραλ Γουίντερ κερντάς μπουτί κο Υπηρεσίες Ήχου/Εικόνας. Σοράν από σταρ μπρεσά, βουρτισάλε κο Γουόργουικ, ντα ο πφραλ Γουίντερ διορισάλο κο Γραφείος της Επιτροπής Προσωπικού. Κο Μάρτιος 2022, διορισάλο βοηθός της Επιτροπής Προσωπικού σο τθερέλα ο Κυβερνών Σώμας.

Προσευχίντιβασα τι ευλογίνελ ο Ιεχωβά ανταλέ «τζενέν [σο ισί] σαρ δώρα» καζόμ συνεχίνενα τι μαρέν-πες ι Βασιλειάκε.​—Εφεσ. 4:8.