MULI BWATATU 18 January 2023, kwakapegwa chizibisyo chiyandikana loko aajw.org chakali kwaambilizya kuti Mukwesu Gage Fleegle aJeffrey Winder basalwa kuti babe muKabunga Keendelezya kaBakamboni baJehova. Bakwesu boonse aaba, baba aachiindi chilamfu kababelekela Jehova chakusyomeka.

Mukwesu Fleegle wakakomenena kuPennsylvania nkwiili kububbila mu-U.S.A., alubo wakayiisigwa kasimpe abazyali bakwe. Naakaba mulombe, bamumpuli yakwe bakalongela kuliimwi ndawu kwakali kuyandikana basikupupulula. Kuzwa waawo, wakabbabbatizigwa mu20 November 1988.

Bazyali baMukwesu Fleegle bakali kukkala kabamusungwaazya kuti azoonjile mumulimu wachiindi choonse. Bakali kukkala kabatamba balangizi bamabazu ababelekela kuBbeteli kung’anda yabo alubo Mukwesu Fleegle wakali kubona mbubakali kubotelwa bakwesu abachizi aaba. Kakutanayinda chiindi kali wabbabbatizigwa, mukwesu Fleegle wakaba payona wachiindi choonse mu1 September 1989. Minyaka iibili yakazootobela, wakazoozuzikizya chipeekezyo nchaakalibikkilide kachili aaminyaka iili 12 chakubelekela kuBbeteli. Wakasaanguna kubelekela kuBbeteli yakuBrooklyn mu-October 1991.

KuBbeteli, Mukwesu Fleegle wakali kuDipatimenti yakuBbayinda mabbuku kwaminyaka iili 8 mpawo wakazoochinchilwa kuDipatimenti yaMulimu. Aachiindi eecho, wakali kunjila aambungano yamulaka wachiRussian. Mu2006 wakachada aamwanakazaakwe Nadia mpawo Nadia anguwe wakaza aaBbeteli. Bakabelekela muchilawu mwaambuulwa chiPortuguese alubo kwaminyaka yiinda ku10 bakazoobelekela muchilawu mwaambuulwa chiSpanish. Nikwakayinda minyaka myiingi kali kuDipatimenti yaMulimu, Mukwesu Fleegle wakachinchilwa kuWofesi yaKkomiti Yakuyiisya mpawo wazoochinchilwa kuWofesi yaKkomiti yaMulimu. MuMarch 2022, wakasalwa  kuti abe mugwasilizi waKkomiti yaMulimu yaKabunga Keendelezya.

Mukwesu Winder, wakakomenena kuMurrieta, California iili mu-U.S.A., wakayiisigwa kasimpe abazyali bakwe mpawo wakabbabbatizigwa mu29 March 1986. Mumweezi wakatobela, wakasala kuti abe payona wakugwasilizya. Kupayona kwakamunoneezya loko zyakuti wakayinkilila kunembo kapayona. Nikwakayinda myeezi kali payona wakugwasilizya, wakazooba payona wachiindi choonse mu1 October 1986.

Naakaba mulombe, Mukwesu Winder wakali kuswaya bakulana bakwe babili bakali kubelekela kuBbeteli aachiindi eecho. Kubaswaya nkwaakali kuchita kwakapa kuti abe aachiyandisyo chakubelekela kuBbeteli. MuMay 1990, wakatambwa kuti azoobelekele kuBbeteli kuWallkill.

KuBbeteli, Mukwesu Winder wakabelekela kumadipatimenti aasiyene-siyene aaswaanizya Dipatimenti lyakuKkilina, Dipatimenti yaKulima akuWofesi yaBbeteli. Wakachada aamwanakazi wakwe Angela mu1997, kuzwa nibakachada balikubeleka kuBbeteli kabalaamwi. Mu2014 bakalongela kuWarwick mpawo Mukwesu Winder wakagwasilizya kumayake aamawofesi eesu mapati. Mu2016, bakabweeda kuWatchtower Educational Center iili kuPatterson alubo Mukwesu Winder wakali kubelekela kuDipatimenti ya-Audio/Video. Muminyaka iili 4 yakazootobela, bakabweeda lubo kuWarwick mpawo Mukwesu Winder wakasalwa kuti abelekele kuWofesi yaKkomiti Iilangania Babelesi. MuMarch 2022, wakasalwa kuti abe mugwasilizi waKkomiti Iilangania Babelesi yamuKabunga Keendelezya.

Tukombela kuti Jehova abalongezye bakwesu aaba babili, “zipo mubantu,” kuchitila kuti bayinkilile kunembo kabali kubeleka changuzu mumulimu uusumpula Bwaami.—Ef. 4:8.