MIERKULISÏ 18 de eneru de 2023 jimbo, ambakiti aianhperakua ma íntspinhaspti jw.org jimbo: erachiichaksï Gage Fleegle ka Jeffrey Winder íntsinhastiksï jimbanhi ánchikuarhita ma, grupurhuksï peeranhaspti enga orhejtsïkuajka iámindu kúnguarhikuechani Jeobaeri testiguecheri. Uánikua uéxurhinksï tsimarhani kánikua sési marhuakuxati Tata Diosï Jeobani.

Erachi Fleegle tʼarhexesti Pensilvania oesterisï (Estados Unidos). Imeeri taati jémbeechaksï jorhendasti jurhimbikuani. Enga ima tumbi sapichu máepka, mótsisptiksï ireta sapichurhu ma nani engaksï uétarhini japka aianhpiricha. Sánisï tátsekua itsï atakuarhispti 20 de nobiembrini 1988 jimbo.

Imeeri taati jémbeechaksï méntkisï arhispti eska úpiringa marhuani tiempu kompletueri. Pʼímarhiasïrendiksï imeeri kʼumanchikuarhu sirkuitueri orhejtsïkutichani ka betelitechani ka ísï ima úspti exeni na engaksï xáni tsípikua jingoni jámeenga ima erachiicha. Ka 1 de septiembrini 1989 jimbo, ka sánisï tátsekua enga na itsï atakuarhipka uénaspti marhuani komu prekursori regulari. Ka tsimani uéxurhini tátsekua ueenaspti ísï marhuani, eska na eratsepka jiáni enga 12 jatiripka: Beteli marhuani. Ka oktubrini de 1991 jimbo ueenaspti marhuani Beteli de Brooklyn.

Ka 8 uéxurhini jima ánchikuarhispti engaksï ojechani takuratajka, ka tátsekua móskunhaspti Grupu enga exejka na enga Aianhpinhani jaka. Ka indeni uéxurhiniichani jimbo kúnguarhikuarhu ma marhuaspti enga rusu uandanheenga. Ka 2006 jimbo tembuchaspti Nadia jingoni ka desde jiáni uératini tsimarhanksï Beteli marhuaxati. Ma tiempuksï portugués jimbo marhuaspti ka jukari 10 uéxurhini túri jimboksï marhuaspti. Enga na uánikua uéxurhini marhuapkia Grupuru enga exejka na enga Aianhpini jaka, erachi Fleegle móskunhaspti Grupuru enga Jorhentperakueri ambe Exejka ka sánderu tátsekua jima niáraspti marhuani Grupuru  enga Aianhpikueri ambe Exejka. Ka marsuni de 2022 jimbo, ueenaspti ánchikuarhini Komite de Serbisiuru Grupuru enga Orhejtsïkuajka Iámindu Kúnguarhikuechani.

Erachi Winder Murrieta (California) tʼarhexesti. Imeeri taaticha —engaksï Testigueka — jorhendasptiksï jurhimbikuani ka 29 de marsuni de 1986 jimbo itsï atakuarhisti. Ka imani mesi jimbo ueenaspti marhuani komu prekursori ausiliari ka xáni tsitispti enga no uékapka jurajkuni. Inde mismu uéxurhini 1 de oktubri de 1986 jimbo, ueenaspti marhuani komu prekursori regulari.

Enga erachi Winder tumbi sapichu máepka niraspti exeani imeeri tsimani ermanu jémbeechani engaksï Beteli marhuani japka. Inde ambe jarhuataaspti paraka eratsepiringa uininharhitani solisitudi ma para jima nirani marhuani enga na kʼéripiringia. Ka maiu de 1990 pʼímarhinhaspti para Beteli de Wallkill nirani marhuani.

Jima niáraspti uánikua ánchikuarhitechani jatsiani, pori ejemplu ánchikuarhispti Departamenturu engaksï kutsuntskandenga, imeecha jingoni engaksï Granjeri ambe exenga ka ístu Ofisina de Beteliru. Ka 1997 jimbo. Angelani jingoni tembuchaspti ka jiáni uératiniksï tsimarhani Beteli marhuaxati. Uéxurhini 2014 jimbo móskunhasptiksï Warwick, jima erachi Winder konstruksioniru jarhuajpespti. Ka 2016 jimbo Patterson mótsisptiksï nani enga Watchtower jorhentpijka, ka jima áchikuarhispti Audiu ka Bideuecha jingoni. Tʼámu uéxurhini tátsekua Warwick kʼuanhatsentasptiksï ka jima erachi Winder arhinhaspti eska ánchikuarhipiringa Ofisinarhu Grupueri enga Beteli Anapuecheeri ambe Exejka. Ka marsu de 2022 jimbo arhinhaspti eska jarhuajpepiringa Grupurhu enga Beteli Anapuecheeri ambe Exejka lámu Parhakpinirhu.

Íksï erachiicha jindeestiksï ambakiti regalu ma engajtsïni Tata Diosï Jeoba íntskuka (Éfes. 4:8). Kómarhijpikuasïngachi paraka Tata Diosï Jeoba seguiriuaka újchakuraani i xáni ambakiti ánchikuarhita jimbo engaksï úni jaka Reinuni jimbo.