WUR Fuggi nen Few Ceere ti naw maa 18, nen kiŋgi maa 2023 mono, ɓo’ge sug po kal le ɓil jw.org ga hẽn naa Gage Fleegle wo de Jeffrey Winder wo de ɗege yoo tayge jar maa peel sedeewa Jeofa wo no. Hẽẽre naa sen wo ɓog ɓuy wo go de iggi ti joŋre ne Jeofa de deele, lan de hãge ɓil nen kiŋgi pur debaŋ.

Hẽn naa Fleegle gẽẽ ɓaŋ wur de law Pennsylvania ɓil sir Etats-Unis. Pããre ɓe hay wo diŋ Sedeewa Jeofa. De maaga á hay leɓaw ɗa mono, saara ur wo go ɓil sir po ga à hay de sãy kayge ti ni ti ɓaŋ siigi wããre Baa debaŋ. Ig go me’ blam sen mokay, se hã see ɓe go ne Jeofa, lan joŋ batem go nen Few Duugi ti naw maa de 20 nen kiŋgi maa 1988 no.

Pããre Fleegle hay wo tum jor glog ɓe ga á mo hã see ɓe go sag sag diŋ ti joŋre maa ni Baa no. Á hay wo tum ɗe jar raŋ tayge wo de jar maa joŋ joŋre ti Betel le liŋ ni ɓaara. Hẽn naa Fleegle hay ko jar sen wo de fruygi debaŋ. Blam batem ɓe mokay, se kal maŋ joŋre piyoniyẽ permanaŋ nen Few Waŋ ti kiŋgi maa 1989 no. Kiŋgi 2 blam sen mokay, se bag jag ɗiggi ɓe maaga se hay ɗig ga se joŋ ne de maaga se hay kiŋgi 12 ɗa, ga diŋ joŋge joŋre ti Betel mono. Á tĩĩ wer joŋre ti Betel maa Brooklyn nen kiŋgi maa 1991 nen Few Kage.

Wo ti Betel ni mono, hẽn naa Fleegle hay joŋ joŋre ti ngeel ɓal kefder wo nen kiŋgi nenma’a, blam sen, à yã’n joŋ joŋre ti Departement maa servisi. De sen mokay, se hay joŋ joŋre ti tayge maa de jag Russe nen kiŋgi po mbage. Nen kiŋgi maa 2006 mono, se da wãy ɓe Nadiya ga saara ya’ ti joŋre ti Betel ɓog ɓuy mono. Saara ɓog ɓuy hay wo joŋ joŋre ti tayge maa de jag Portugais, lan kiŋgi go de daŋ 10 pa, saara joŋ joŋre ti tayge maa jag Espanyole. De maaga á joŋ kiŋgi go pur ti Departement maa servis mokay, à ya’ hẽn naa Fleegle ti buro Komité maa hadge, lan, à ya’n ti buro Komité maa servisi. Nen kiŋgi 2022 nen Few  Mene mokay, á ya’n jee kay tayge jar maa peel sedeewa Jeofa wo, ti Komité maa servisi.

Hẽn naa Winder gẽẽ Murrieta, Kalifornie ɓi sir Etats-Unis. Pããre ɓe gẽẽ wo ne ti cwãy, se joŋ batem go nen kiŋgi maa 1986 nen Few Mene, ti naw maa 29 no. Nen few maa blam ɓen mokay, se maŋ joŋre pioniyẽ auxiliaire. Se hay da joŋre sen debaŋ nen maaga se kal ɗiggi ga se ya’ wer ɓe de peel ni. De maaga á joŋ joŋre pioniyẽ auxiliaire nen few pur mokay, se kal tĩĩ joŋre piyoniyẽ permanaŋ nen kiŋgi maa 1986 nen Few kage.

De maaga á leɓaw ɗa mono, hẽn naa Winder raw ko hẽẽre ɓe maa kluuri wo ɓog ga hay wo joŋ joŋre ti Betel kal sen mono. Woge se ti Betel ko hẽẽre ɓe se ɓogn wo kal gẽẽ ɗiggi joŋge joŋre ti Betel ne hẽn ɓili. Se kal wããge ga se gẽẽ we go wur po no, se raw ge joŋ joŋre ti Betel lay. Nen kiŋgi maa 1990, nen Few kabge mokay, à ɗen joŋ joŋre ti Betel maa Wallkill no.

Wo ti Betel ni mono, hẽn naa Winder joŋ wer joŋre wo ni ngaɓa debaŋ, doo ti service entretien, ti ferme maa ti Betele, lan ti buro maa ti Betele. Á da wãy ɓe Angela nen kiŋgi maa 1997 no, day saara hay ti joŋre sen tum. Nen kiŋgi maa 2014 mono, à ya’ ra Warwick, ga hẽn naa Winder kay ti joŋre booge tiŋ ngeel kluu sedeewa Jeofa wo mono. Nen kiŋgi maa 2016 mono, à ɗe ra ti lakol Watchtower ɓi sir Patterson ga hẽn naa Winder hay joŋ joŋre ti ngeel service audio/video mono. Kiŋgi go blam sen 4 mokay, à fer ra Warwick tigriŋ, lan à ya’ hẽn naa Winder ti buro Komité du personnel. Nen kiŋgi maa 2022, nen Few Mene mokay, à ya’n Jee kay tayge jar maa peel sedeewa Jeofa wo, ti Komité du personnel.

Wùr wo de tosge debaŋ maaga Jeofa mo ɓo’ bosa’ ne jar se maaga wo diŋ “kado maaga diŋ jar téebeere wo”, ga á mo hay wo tum ti joŋre kwũy debaŋ, maaga joŋre siigi wããre maa ti twaywaŋn mo see ciŋ de peel ni.—Efe. 4:​8, NWT.