LI TA mierkoles 18 yuʼun enero ta 2023, laj yichʼ alel jun aʼyej ti stuk noʼox jech te ta jw.org: li ermano Gage Fleegle xchiʼuk Jeffrey Windere laj yichʼik biiltasel ta Jtsop Jbeiltasvanej yuʼun stestigotak Jeova. Li ermanoetik taje jal xa tukʼ tunemik talel ta stojolal Jeova.

Li ermano Fleegle te chʼi ta smaleb kʼakʼal ta Pensilvania (Estados Unidos). Jaʼ chanubtasat ta mantal yuʼun li stot smeʼe. Kʼalal jchʼiel toʼox tale, batik ta jun jteklum ti bu chtun tajek jcholmantaletike. Kʼalal mu toʼox jaluk skʼotelike, laj yichʼ voʼ ta 20 yuʼun noviembre ta 1988.

Tijbat onoʼox yoʼonton yuʼun stot smeʼ sventa xtun ta stojolal Jeova ta tsʼakal ora. Chikʼ ta veʼel ta snaik li jkʼelvanejetik ta sirkuito xchiʼuk li jbetelitaetike, vaʼun te laj yakʼ venta ti xmuyubajik noʼox li ermanoetike. Kʼalal mu toʼox jaluk yichʼoj voʼe, lik tunuk ta prekursor regular li ta 1 yuʼun septiembre ta 1989. Chib jabil ta tsʼakale, la sta li kʼusi oy onoʼox ta yoʼonton kʼalal 12 toʼox sjabilale: lik tunuk ta Betel. Te lik abtejuk ta Betel ta Brooklyn ta oktuvre ta 1991.

Vaxakib jabil te tun ta imprenta, laje take batel ta Departamento sventa Cholmantal. Li vaʼ jabile, te tun ta tsobobbail ta ruso kʼop. Li ta 2006, nupun xchiʼuk Nadia, vaʼun jmoj lik tunikuk ta Betel. Tunik ta tsobobbail ta portugués kʼop xchiʼuk mas ta lajuneb jabil tunik ta español. Kʼalal te xa ox van jayibuk jabil abtej ta Departamento sventa Cholmantale, li ermano Fleegle te take batel ta S-ofisina Komite sventa Chanubtasel, laje ta S-ofisina Komite sventa Cholmantal. Li ta marso ta 2022, laj yichʼ biiltasel sventa xtun ta Komite sventa Cholmantal yuʼun Jtsop Jbeiltasvanej.

 Li ermano Windere te chʼi ta Murrieta (California). Jaʼ chanubtasat ta mantal yuʼun li stot smeʼ ti jaʼik stestigotak Jeovae. Li ermano Windere laj yichʼ voʼ ta 29 yuʼun marso ta 1986. Kʼalal echʼ jun ue, lik tunuk ta prekursor auksiliar, jech-o tun batel ta skoj ti la skʼupin tajeke. Kʼalal jun chib toʼox u yechʼele, lik tunuk ta prekursor regular ta 1 yuʼun oktuvre ta 1986.

Kʼalal chex kerem toʼoxe, ay svulaʼan chaʼvoʼ sbankil ti te xa onoʼox chtunik ta Betele. Jaʼ tijbat yoʼonton sventa stak batel solisitud mi la sta sjabilale. Li ta mayo ta 1990, take ta ikʼel sventa xtun li ta Betel ta Wallkille.

Jeltos abtelaletik la spas, tun ta Departamento de Limpieza, ta Departamento de la Hacienda xchiʼuk li ta Oficina yuʼun Betele. Li ta 1997, nupun xchiʼuk Angela, te jmoj lik tunikuk ta Betel. Li ta 2014, takatik batel ta Warwick, jaʼ te koltavan ta svaʼanel li smeʼ nail abtelale. Li ta 2016 takatik batel ta Patterson, li ta Snail Chanob vun yuʼun Watchtower, jaʼ te abtej ta Servicios de Audio y Video. Kʼalal echʼ xa ox chanib jabile, takatik sutel ta Warwick, vaʼun li ermano Windere te lik tunuk ta S-ofisina Komite sventa Jtuneletik. Li ta marso ta 2022, te lik tunuk ta yajkoltaobba Komite sventa Jtuneletik yuʼun Jtsop Jbeiltasvanej.

Li viniketik taje jaʼik matanaletik yakʼojbutik li Jeovae (Efes. 4:8). Jpastik orasion ta stojolalik sventa jechuk-o x-akʼbatik bendision yuʼun Jeova ta skoj ti tsots ch-abtejik ta sventa li Ajvalilal yuʼune.