Bibilya linoonga movweya phama ira Yohova unoongelatu vyongo vinofuna ireya sogolou. (Esa. 45:21) Mbwenye imbarimbari choi Bibilya kalinoonga vyongo vyothene vyokuza mwemo Yohova munoirela liye vyevi, hora inosakula liye ira aidhiwe vyongovyo venango injiva wa vyongo vinosakula liye ira aviidhiweletu. Ee-no kaninoidhiwa vyongo vyothene vyokuza Yohova vamwasula. Mbwenye vatokala vyongo vyoyeva vyevyo vinoidhiwa i-yo.

Yohova unooda irana yongo iliyothene inofuna liye, mbwenye hora dhinango unosakula ira a-airena vyongo vinango. Voi Yohova utokaana zelu dho-okaana madile, unooda ongelatu yongo iliyothene inofuna liye. (Aro. 11:33) Mbwenye namwasa oi ngondhikondi-a, unooda thitho sakula ira a-aidhiweletu vyongo vinofuna ireya.—Mufwanafwani-edhe na lemba la Esaya 42:14.

Yohova unoiri-a ira aoni-e tangaradhee. N’nga vyevi vinonikami-a vwechecha n’ni vamwasa oi liye unooda idhiwelatu vyongo vya vogolo? Lemba la Esaya 46:10 linoonga ira: “Wanga-adhi hora indendai, ndinoongelatu vyongo vinofuna dhaireya sogolo, thitho romela walelene maningi ndatoongelatu vyongo vinofuna dhaireya sogolo. Miyo ndinoonga ira ‘Ifunelwanga inodha ireyadi, thitho ndinodha irana yongo iliyothene inofuna miyo.ʼ”

Mwasa mbo-i unom’muiri-a Yohova ongelatu vyongo vya sogolo ngoi liye utokaana kopolo dhoiri-a ira vyongo vinangovyee viireye. Liye kali ninga mutu wenuo unoonela vidiyo yoi unooda imbaranyi-a ira aoneletu vyongo vili sogolo, Kalanga ninga vinofuna dhaireya sogolovyo vyatoireyavo walelene mbwenye unofuna ira aidhiwe vinofuna ireya okoka. Mo-iyana na atu, Yohova unooda sakula ira yongo inangoyee iireye vahora inango noiri-a ira horiyo yafiya viireyedi.—Eki. 9:5, 6; Mat. 24:36; May. 17:31.

Vamwasa wen’na, Bibilya lino-indi-edha basa madhu oi “saka-edha” voonga vyongo vinoira Yohova vamwasa oonga vyongo vinango vya sogolo. (2 Ma. 19:25; Esa. 46:11) Madhwala tathapuleliwile mumwadhu a iongelo yoroma enao anovwelana na madhu oi “umba.” (Jer. 18:4) Molandana na mulimbo umba wadodoliso wenuo unoodha i-ndi-edha basa phama ulongo noumba muno obaleya, Yohova thitho unooda saka-edha venango chinja vyongo ira akwakwaneli-dhe ifunelwee.—Aef. 1:11.

Yohova unorumeli-a ira atu tasakulenga okene vyongo vinofuna aliwa. Yohova kanosaka-edhelatu vyongo vinofuna dhaireya va Ingumi ya mutu uliwethene. Yohova thitho kanoiri-a ira atu amakalelo aphama tairenga vyongo vyoi vasogolovee vidhaanongi-e venango luza ingumi yo-omala. Yohova unorumeli-a ira mutu uliwethene asakulenga ekene vyongo vinofuna liye irana mbwenye unoalimbi-a ira tasakulenga vyongo vyaphama venango vyofwanelela.

Dhoweni nioneni vifwanafwani-o vinli. Ifwanafwani-o yoroma choonga vyaatu awu Ninive. Yohova ali angamadhi ongelatu ira sidadilo linodha nongiwa namwasa oi tanoirana vyongo vyothakala maningi. Mbwenye atu asidadinimo tagachinyuwile, Yohova “atoochinja mathuulelwee thitho kaadhi-edhe nyarwa yaongile liye ira unodha adhi-edha.” (Yon. 3:1-10) Yohova atoochinja mathuulelwee va vyongo vyevyo vyamadhi liye onga namwasa oi atu awu Ninive tatoo-indi-edha basa ufulwiwa osakula chinyuwa tangavwide milanyu yowenjeliwa yokumela wa Yohova.

Ifwanafwani-o yanambili nguulosi oonga vya Koresi, wenuo aakumi-idhe Ayuda muudhaari noawandela ira tamamange okoka kachisi wa Yohova. (Esa. 44:26–45:4) Mwene wau Persiya dhinalee Koresi atookwakwaneli-edha ulosi wen’na. (Eza. 1:1-4) Mbwenye Koresi kam’lambela Nlungu waimbarimbari. Yohova atom’-indi-edha basa vokwakwaneli-edha ulosula mbwenye atoorumeli-a ira a-indi-edhe basa ufulwee osakula unofuna liye m’lambelanga.—San. 21:1.

Enala mbamakhundo oyeva baa-i avyongo vyevyo Yohova vinothuulela liye afunanga ongelatu vyongo vinofuna dhaireya sogolo. Mbwenye onga imbarimbari, kavali mutu uliwethene unavwecheche vyongo vothene vyokuza mwemo Yohova munoirela liye vyongo. (Esa. 55:8, 9) Mbwenye vyongo vyoyeva vinoidhiwa i-yo vyokuza Yohova, vinonilimbi-a ira niroromelenga maningi ira hora dhothene Yohova unoira vyongo vyofwanelela, thangani-avo mwasa oongelatu vyongo vinofuna dhaireya sogolou.