Biiblyë yajxon tnigajpxy ko Jyobaa nyijäˈäwëp tijaty tunan jatanëp (Is. 45:21). Per kyaj yajxon ttimynyigajpxy wiˈixën duˈun ttuny ets ni tkanijawëyaˈany näˈä duˈun ttunäˈäny. Kyaj ndimynyijäˈäwëtyaˈayëm wiˈixën duˈun ttuny, per ta mëdiˈibë nääk xytyuknijäˈäwëm.

Jyobaa wäˈäts tijaty tnijäˈäwëtyaˈay, per näˈäty ta mëdiˈibë kyaj tnijawëyaˈany. Mbäät tijaty tnaskäjpxë mët ko ja wyijyˈäjtën kyaj kyugëxë (Rom. 11:33). Kom yëˈë wäˈäts ets nayjyëjpkuwijtsëp, ta mëdiˈibë kyaj ttimynyijawëyaˈany wiˈix tyunäˈäny jyatäˈänyëty (ijxkijpxyë mëdë Isaías 42:14).

Jyobaa tyuumpy extëm të ttuknibëjktäägë. ¿Ti yäˈädë xytyukniˈˈijxëm? Isaías 46:10 duˈun tnimaytyaˈaky: “Desde mä tsyondaky naskäjpxëbëts wiˈix wyimbëtsëmäˈäny, ets desde tëëyëp nnigajpxyëts tijaty kyajnëm tyuny jyatyëty. Duˈunëts njënäˈäny: Extëmëts të ndukniwinmayë duˈun yˈitäˈäny, ets ndunaambyëts oytyim tiijëty mëdiˈibëts ntsojkypy”.

Pääty tuk pëky tiko Jyobaa tnijawë tijaty tunan jatanëp, yëˈko myëdäjtypyë mëkˈäjtën parë tijaty dyaˈˈadëwët. Jyobaa nyijäˈäwëp näˈä tijaty tyunäˈäny jyatäˈänyëty ets të tˈawitsy ja xëëw, per kyaj net tyim tsokyëty tˈixët wiˈix tijaty tyunäˈäny jyatäˈänyëty. Yëˈë tyukpatypy ja tiempë parë ttunäˈäny mëdiˈibë të tuknibëjktäägë (Éx. 9:​5, 6; Mat. 24:36; Apos. 17:31).

Päätyë Jyobaa dyajtunyë ayuk extëm “të nyaˈoyëts”, “të nyajkojˈyëts”, “tëts nduknibëjktäägë” parë tnimaytyaˈaky tijatyë nety tunan jatanëp mä tiempë myiny kyëdaky (2 Rey. 19:25; notë; Is. 46:11). Mä ayuk Ebreo yäˈädë tekstë yëˈë nanduˈun myaytyäˈägaampy tuˈugë jäˈäy mëdiˈibë “tuˈts pojtsp” (Jer. 18:4). Duˈun extëm tuˈugë tuˈts pojtspë, mbäät dyaˈoyë ja tuˈts extëm ttimytsyoky, nanduˈunënë Jyobaa mbäät tijaty dyaˈˈadëy extëm të ttuknibëjktäägë (Éfes. 1:11).

Jyobaa xynyaˈijxëm parë nwinˈijxëm wiˈix tijaty ndunäˈänëm. Jyobaa kyaj tnaskäjpxë wiˈix niduˈuk niduˈuk njatäˈän ngëbatäˈänëm ets kyaj nanduˈun tˈatsipˈatyë oyjyaˈay parë ttundët ja axëëkpë ets kyutëgoytyët. Per xytyukniˈˈijxëm wiˈix mbäät njukyˈäjtëm ets niduˈuk niduˈugë mbäät nwinˈijxëm ti ndunäˈänëm.

Min nˈokˈijxëm majtskë ijxpajtën. Mä myëduˈukpë, yëˈë wiˈix ojtsë Jyobaa tnasˈëw tnaskäjpxë jyatäˈäny ja Nínive kyäjpn, mët ko jyamˈäjtyë axëkˈäjtën. Per kom jodëmbijttë ja nax käjpn, ta kyaj ttuknigejxy ja ayoˈon mëdiˈibë tyuknikäjpxpajt (Jonás 3:​1-10). ¿Tiko Jyobaa kyaj ojts ttuny mëdiˈibë nety të tnaskäjpxë? Yëˈko tˈijxy ko ja Nínive jäˈäyëty ojts tmëjpëjktäˈäktë wiˈixë nety Jyobaa të jyënaˈany ets jyodëmbittë.

Ja myëmajtskpë ijxpajtën yëˈë ko ojts yajnaskäjpxë ko Ciro, yëˈë nety yaˈˈawäˈätspëtsëmaampy ja judiyëty ets ko yëˈë nety nanduˈun nyiˈanaˈamëyaampy parë jatëgok ja templë yaˈˈagojët (Is. 44:26–45:4). Ets yëˈë yaˈˈadëëwë Ciro ja mëdiˈibë tuun rey jam Persia (Esd. 1:​1-4). Ciro kyaj tmëduunyë Jyobaa jeˈeyë yajtuunë parë dyaˈˈadëëy mëdiˈibë nety të tnaskäjpxë, per kyaj tˈatsipˈäjty parë myëdunëdët (Prov. 21:1).

Extëm nˈijxëm Jyobaa myëdäjtypyë madakën parë tijaty tnaskäjpxët, per nituˈugë naxwinyëdë jäˈäy mbäät tkanijawë wiˈix wyinmay, wiˈix ko duˈun tijaty ttuny, ets nuˈunën tmëdatyë madakën parë tnigäjpxët tijaty tunan jatanëp (Is. 55:​8, 9). Extëm të nˈijxëm, Jyobaa xëmë ak oy tijaty ttuny ets nanduˈunën ttunäˈäny mä tiempë myiny kyëdaˈaky.