Η Αγία Γραφή σικαβέλα μπουτ λατσσές ότι ο Ιεχωβά μπορίνελα τι βακερέλ σο κα αβέλ-πες ανγκλ’ αμέντε. (Ησ. 45:21) Να εξηγίνελα σαρέ ο λεπτομέρειες για το τρόπος σο κερέλα-λες ανταβά ή κάνα κερέλα-λες ανταβά. Ούτε βακερέλα καζόμ πράγματα τραμπίνελα τι σικλιόλ. Οτθάρ, να μπορίνασα τι αβάς απόλυτοι ανταλέ πραγματένγκε. Αλλά ισί μερικά πράγματα σο τζανάσα.

Τίποτα ναστί εμποδίνελα ι Ιεχωβάς, εκτός κατά όρια σο τσσουβέλα βοβ πι νεαυτόσκε. Χάρη κι μπαρί σοφία σο τθερέλα, ο Ιεχωβά μπορίνελα τι τραμπίνελ καλά πράγματα κα βακερέλ από πριν. (Ρωμ. 11:33) Επειδή τθερέλα τέλεια εγκράτεια, μπορίνελα τι τραμπίνελ επίσης μα τι σικλιόλ σο κα αβέλ-πες.​—Ντικχέν Ησαΐας 42:14.

Ο Ιεχωβά κερέλα τι αβέλ-πες λέσκο θέλημας. Σο σχέση τθερέλα ανταβά με την ικανότητα λέσκι τι βακερέλ σο κα αβέλ-πες ανγκλ’ αμέντε; Ο εδάφιος Ησαΐας 46:10 βακερέλα: «Από την αρχή βακεράβα σο κα αβέλ-πες ντα, μπουτ πο τζανγκλέ, ο πράγματα σο να αβιλέ-πες ατζέκ. Βακεράβα: “Σο τθεράβα μι γκοντιάτε κα νικιόλ μπαγιά, ντα κα κεράβ σο-ντα μανγκάβα”».

Άρα, εκ λόγος σο ο Ιεχωβά μπορίνελα τι βακερέλ σο κα αβέλ-πες ανγκλ’ αμέντε ισί ότι τθερέλα ι ζορ τι κερέλ σο-ντα μανγκέλα. Ο Ιεχωβά νανέ σαρ εκ τζενό σο πρέπει τι ντικχέλ ο τέλος εκχέ ταινιάκο για τι σικλιόλ σο κα αβέλ-πες. Νανέ ότι σαρέ ο μελλοντικά πράγματα αβιλέ-πες ήδη ντα ο Ιεχωβά απλώς μπεσέλα ντα ντικχέλα-λεν από πριν. Οκιά μπάνταρ, ο Ιεχωβά μπορεί τι αποφασίνελ ότι κάτι κα αβέλ-πες εκ συγκεκριμέ στιγμή ντα σοράν τι κερέλ τι αβέλ-πες κάνα κα αβέλ οντουβά βακίτι.​—Έξοδ. 9:5, 6· Ματθ. 24:36· Πράξ. 17:31.

Οτθάρ, η Γραφή χρησιμοποιήνελα λάφια σαρ ισί «ετοιμαντόμ» ντα «αποφασιντόμ» για τι σικαβέλ σο κερέλα ο Ιεχωβά μερικέ πραγματένγκε σο κα αβέν-πες. (2 Βασ. 19:25· Ησ. 46:11) Ανταλά λάφια σικαβένα σαρ μεταφράντιλο εκ λάφι κατά πουρανό κείμενος σο τθερέλα σχέση με το λάφι σο μανγκέλα τι βακερέλ «αγγειοπλάστης». (Ιερ. 18:4) Αντικάς σαρ εκ λατσσό αγγειοπλάστης μπορίνελα τι λελ εκ κομμάτι πηλός ντα τι κερέλ-λες εκ σουκάρ βάζος, ο Ιεχωβά μπορίνελα τι κερέλ, ή γιαβέρσοϊ τι οδηγίνελ, ο πράγματα για τι αβέλ-πες λέσκο θέλημας.​—Εφεσ. 1:11.

Ο Ιεχωβά σεβάνελα ι ελευθερία τι τραμπίνας σο κα κεράς. Να κανονίνελα ι μοίρα ι τζενένγκι. Ούτε κερέλα ι λατσσέ τζενέν τι κερέν πράγματα σο κα ανένας λένγκε καταστροφή. Μουκχέλα σαριλέν τι τραμπίνεν σαρ μανγκένα τι τζουβντιόν, αλλά σικλιαρέλα-λεν σαρ τι τζουβντιόν σωστέ τροπόσαρ.

Σκεφτίνεν ντούι παραδείγματα. Ο πρώτος παράδειγμας τθερέλα τι κερέλ ι τζενέντζαρ σο μπεσένας κι Νινευή. Ο Ιεχωβά βακερντάας ότι η πόλη κα καταστραφίντιβελας επειδή ο τζενέ ισινέ μπουτ πφιρνέ. Αλλά κάνα βον μετανιωσάλε, ο Ιεχωβά «σκεφτιντάς πάλι ι καταστροφή σο βακερντάς ότι κα ανέλας λένγκε, ντα να αντάς-λα». (Ιωνάς 3:1⁠-10) Ο Ιεχωβά αλλαντάς άποψη ι πραγματένγκε σο βακερντάας επειδή ο Νινευίτες, κάνα ασουντέ λέσκι προειδοποίηση, χρησιμοποιηντέ ι ελευθερία τι τραμπίνεν σο κα κερέν, ντα αλλαξάλε.

Ο δεύτερος παράδειγμας τθερέλα τι κερέλ με τον Κύρο, σο κα ελευθερώνελας ι Ιουδαιόν κατά Βαβυλώνα σο ισινέ αιχμάλωτοι, ντα κα ντέλας ι διαταγή τι χτίνεν πάλι ο ναός ι Ιεχωβάσκο. (Ησ. 44:26–45:4) Ο βασιλιάς της Περσίας, ο Κύρος, κερντάς ανταγιά προφητεία τι νικιόλ μπαγιά. (Έσδρ. 1:1⁠-4) Όμως, ο Κύρος να υπηρετίνελας ι αληθινέ Ντεβλές. Ο Ιεχωβά χρησιμοποιηντάς τον Κύρο για τι νικιόλ μπαγιά ι προφητεία, αλλά μουκχλάς-λες τι τθερέλ ι ελευθερία τι τραμπίνελ κας κα υπηρετίνελ.​—Παρ. 21:1.

Σίγουρα, ισί γιαβερά-ντα πράγματα σο τθερέλα πι γκοντιάτε ο Ιεχωβά κάνα βακερέλα σο κα αβέλ-πες. Για τι βακεράς ι αλήθεια, καέκ τζενό ναστί αγαβέλα ντιπ σαρέ οντουλά σο σκεφτίνελα ντα κερέλα ο Ιεχωβά. (Ησ. 55:8, 9) Αλλά σαρέ ο πράγματα σο τζανάσα ι Ιεχωβάσκε κερένα-αμέν σίγουρους ότι βοβ κερέλα πάντα ο σωστός. Ανταβά αβέλα-πες κάνα βακερέλα-ντα σο κα αβέλ-πες ανγκλ’ αμέντε.