yegōvaavukku edhirkaalatthai patri therindhukollum thiramai iruppadhaaga baibil solgiradhu. (ēsaa. 45:21) aanaal edhirkaalatthai patri avar eppadi, eppōdhu, endhalavu therindhukolgiraar endra ellaa vivarangalaiyum baibil solvadhillai. adhanaal, indha vishayatthai patri thittavattamaaga nammaal edhaiyum solla mudiyaadhu. irundhaalum, sila vishayangalai ippōdhu gavanikkalaam.

yegōvaavaal ellaavatraiyum seiya mudiyum; aanaal, silavatrai seiya vēndaam endru avar ninaikkiraar. yegōvaavukku ellaiyillaadha nyaanam irukkiradhu. adhanaal, edhirkaalatthil enna nadakkappōgiradhu endru avaraal thulliyamaaga therindhukolla mudiyum. (rō. 11:33) irundhaalum avarukku suyakkattuppaadu iruppadhaal, sila vishayangalai therindhukolla vēndaam endru ninaikkiraar.—ēsaayaa 42:14-ai oppittu paarungal.

yegōvaa than nōkkatthai niraivētrugiraar. idharkum edhirkaalatthai patri sollum avarudaiya thiramaikkum enna sambandham? adhai patri ēsaayaa 46:10 ippadi solgiradhu: “nadakkappōgum vishayangalai naan aarambatthilirundhē solli varugirēn. adhai romba kaalatthukku munbirundhē solli varugirēn. ‘naan ninaitthadhu nichayam niraivērum. virumbuvadhaiyellaam naan seidhu mudippēn’ endru solgirēn.”

oru padatthin mudivu eppadi irukkum endru naam therindhukolla ninaitthaal, padatthai ōtti adhan kadaisikku pōi paarppōm. edhirkaalatthai patri therindhukolla yegōvaa indha maadhiri edhuvum seiya vēndiya avasiyam illai. adhaavadhu, edhirkaalatthil nadakkappōgira vishayangalai paartthuvittu, piragu nammidam vandhu ‘indha-indha sambavangal, ippadi-ippadi nadakkum’ endru yegōvaa solvadhillai. oru kurippitta samayatthil enna nadakka vēndum endru yegōvaavaal mudivu seiya mudiyum. andha samayam varumpōdhu, avar adhai nadakkumpadi seigiraar. edhirkaalatthai patri avaraal solla mudivadharku indha sakthi avarukku iruppadhum oru kaaranam.—yaath. 9:5, 6; mat. 24:36; ap. 17:31.

edhirkaalatthil yegōvaa seiyappōgira vishayangalai patri sollumpōdhu, “ērpaadu seidhēn,” “uruvaakkinēn,” “thīrmaanitthēn” maadhiriyaana vaartthaigalai baibil payanpadutthugiradhu. (2 raa. 19:25; ēsaa. 46:11) indha vaartthaigalukku inaiyaana ebireya vaartthai ‘kuyavan’ endra vaartthaiyōdu sambandhappattirukkiradhu. (erē. 18:3, 4) thiramaiyaana oru kuyavan kalimannai alagaana paatthiramaaga vadivamaippaar. adhēpōl, edhirkaalatthil thannudaiya nōkkatthai niraivētruvadharku yegōvaavaal sila vishayangalai vadivamaikka mudiyum, adhaavadhu, maatra mudiyum.—ebē. 1:11.

manidhargalukku irukkira sudhandhiratthai yegōvaa madhikkiraar. oruvarudaiya vaalkkai ippaditthaan irukka vēndum endru yegōvaa munkūttiyē thīrmaanippadhillai. nalla makkal alindhupōga vēndum enbadharkaaga avargalai vēndumendrē thavaru seiya vaippadhum illai. adharku badhilaaga, ellaarumē sondhamaaga mudiveduppadharku yegōvaa anumadhikkiraar. adhēsamayatthil, makkalukku nalla valiyaiyum avar solli tharugiraar.

irandu udhaaranangalai paarungal. mudhalil, ninivē makkaludaiya udhaaranatthai gavanikkalaam. andha makkal mōsamaana paavangalai seidhadhaal, avargalai alikka vēndumendru yegōvaa mudivedutthaar. aanaal avargal unmaiyilēyē manam thirundhiyadhai avar paartthaar. adhanaal, “thannudaiya mudivai maatrikkondu avargalai alikkaamal vittuvittaar.” (yōnaa 3:1-10) yegōvaa sonna echarippai kēttu, manam thirundha vēndum endru ninivē makkal thaangalaagavē mudivedutthaargal. adhanaal, avargalai patri ērkenavē eduttha mudivai yegōvaa maatrikkondaar.

adutthadhaaga, persiya raajaavaana kōrēsin udhaaranatthai paarkkalaam. avar yūdhargalai baabilōnil irundhu vidudhalai seivaar endrum, yegōvaavin aalayatthai thirumba katta kattalai koduppaar endrum yegōvaa munbē sonnaar. (ēsaa. 44:26–45:4) yegōvaa sonnadhu appadiyē niraivēriyadhu. (esraa 1:1-4) kōrēsu raajaa yegōvaavai vanangavillai. yaarai vananguvadhu endru mudivu seigira sudhandhiram kōrēsukku irundhadhu. andha sudhandhiratthil thalaiyidaamal, thaan sonna thīrkkadharisanatthai niraivētra yegōvaa avarai payanpadutthinaar.—nīdhi. 21:1.

edhirkaalatthai patri therindhukolla yegōvaavukku irukkum thiramaiyai patri sila vishayangalai idhuvarai paartthōm; aanaal, innum niraiya vishayangal irukkalaam. yadhaarttham ennavendraal, yegōvaa eppadi yōsikkiraar, eppadi nadandhukolgiraar enbadhai endha manidhanaalum mulumaiyaaga purindhukolla mudiyaadhu. (ēsaa. 55:8, 9) irundhaalum, yegōvaa namakku solliyirukkira vishayangal nam visuvaasatthai balappadutthugindrana. avar edhai seidhaalum adhu sariyaagatthaan irukkum endra nambikkaiyai adhu namakku kodukkiradhu—edhirkaalatthai patri therindhukolgira thiramaiyai avar payanpadutthum vidham utpada!