PËNATY jyaaytyë Biiblyë ojts näˈäty tnikäjpxëmbittë ääw ayuk parë kyuwëˈëmëdët. Min nˈokˈijxëm tëgëk pëky tiko duˈun ttuundë.

Näˈä yajjääy. Ja israelitëty kyaj ijty këjkjaˈa tmëdattë ja Ley mëdiˈibë yajmooytyë, jamyë ijty yajtukwingugäjpxëdë mä tabernakulo ets mä ja templë (Deut. 31:​10-12). Ojts tsyiptakxëdë tmëdoowˈittët yajxon ja Diosë yˈayuk mët ko oorëˈamën tmëdoowˈijttë ets tanë (Neh. 8:​2, 3, 7). Ko ijty yajnikäjpxëmbity ja ääw ayuk, pudëjkëdë parë tjamyatstët ets tkuytyundët. Ko yajnikäjpxëmbijty janääm jatsojk ja ääw ayuk mëdiˈibë netyë Jyobaa tsyojkypy ets tjamyatstët, pudëjkëdë mëjwiin kajaa (Lev. 18:​4-22; Deut. 5:1).

Wiˈix yajjääy. Ko Biiblyë yajjääy yajkujäˈäyë jap nanduˈunë ëy. Extëm mä Salmos, El Cantar de los Cantares etsë Lamentaciones. Nääk ja ëy yajniˈëëwëmbijtp ijty parë yajnijawët tiijën yaˈëëp ets parë xykyuwëˈëmëm. Min nˈokˈijxëm tuˈugë ijxpajtën mëdiˈibë yajkujäˈäyë mä Salmo: ‘Miitsëty Israel jäˈäyëty, yiˈiyë Wintsën tukˈijxpattë. Yëˈë xypyudëjkëmëp ets xykyuwäˈänmëp. Miits teetytyëjkëty, yiˈiyë Wintsën tukˈijxpattë. Yëˈë xypyudëjkëmëp ets xykyuwäˈänmëp. Miitsëty ninuˈun yëˈë Wintsën xywyintsëˈëgëdën, yiˈiyë Wintsën tukˈijxpattë. Yëˈë xypyudëjkëmëp ets xykyuwäˈänmëp’ (Sal. 115:​9-11, TY). Ko ijty pën tˈëy yäˈädë ëy seguurë ko tim kuwëˈëmëdëp.

Tiko yajjääy. Nääk mëdiˈibë jyaaytyë Biiblyë, nyikäjpxëmbijttë ja ääw ayuk janääm jatsojk mëdiˈibë jëjpˈam parë kyuwëˈëmëdët. Extëm nˈokpëjktakëm ko Jyobaa tˈanmääy ja israelitëty ets kyaj tjëˈxtët ja neˈpyny, janääm jatsojkë Moisés tnikäjpxëmbijty taabë anaˈamën. Dios tsyojk parë jäˈäy tjaygyukëdët ko neˈpyny yëˈë xyajjukyˈäjtëm (Lev. 17:​11, 14). Ko tiempë nyajxy, ta ja apostëlëtëjk ets pënaty tuundëp mëjjäˈäy jam Jerusalén ojts tnigäjpxtë ti mbäät ttundë parë Dios kyupëkëdët ets yëˈë nyikäjpxëmbijttë jatëgok ko kyaj mbäät ja neˈpyny tjëˈxtë (Apos. 15:​20, 29).

Ko mä Biiblyë yajnikäjpxëmbityë ääw ayuk, kyaj net yëˈë tˈandijy ko Jyobaa tsyojkypy ets xëmë tijaty nikäjpxëmbijtëm. Pesë Jesus jyënany ko nmnuˈkxtäˈägëty “kaˈap tii xykyajpxwimbit xykyajpxˈëtëjtëty” (Mat. 6:​7, TY). Per ojts tnigajpxy tijatyën mbäät ninuˈkxtakëm mëdiˈibë yëˈë tsyojkypyën (Mat. 6:​9-13). Ko nmënuˈkxtakëmë Dios kyaj natimˈyëˈëyëm nikäjpxëmbijtëm ja ääw ayuk, per mbäät tijaty kanäkˈok nˈamdoˈowëm (Mat. 7:​7-11).

¡Jantsy oy ko duˈunë Biiblyë tnikäjpxëmbityë ääw ayuk! Pes duˈunë Jyobaa ja tuk pëky xyaˈëxpëjkëm ko yajnikäjpxëmbity tijaty, ets pääty duˈun ttuny parë këˈëm ndukˈoyˈäjtëm (Is. 48:​17, 18).