A REMILLUCHES er a Biblia a mle repeat a bebil el tekoi el word for word. Molatk a locha edei el luchul me te mirruul el uaisei.

Taem er a lemeluches. A rechad er a Israel er a irechar a dimlak lolab a copy er a Llach. Te bai di ulerrenges er ngii el mechuiu sel lebo el kldibel a renged er a medal a chedaol tento. (Dut. 31:​10-12) Ngulterekokl el ngar ngii a sebechel mo mengesang er a seked er a ledechor lorrenges er a omengiuel a Llach el tela el sikang. (Neh. 8:​2, 3, 7) Me ngngar chouai tiakid el taem e ngkmal mo ngosuterir a rechad el remember a bades e mo oltaut er a klengar er tir sel le repeat a meklou a ultutelel el tekoi. Sel le repeat a ileakl el word ngtokubets el ngosuterir el remember a komakai el lomesodel a Llach el Jehovah milsterir.—Lev. 18:​4-22; Dut. 5:1.

Teletael er omeluches. Bekord el 10 el basent er a Biblia a chelitakl, el ua babier er a Psalm, Cheliteklel a Salomon, me a Klengiterreng. A lebebil e a chelitakl a ngar ngii a tekoi el le repeat. Tia millisiich er a belkul a chelitakl e ngilsuterir a rechad el memorize er ngii. El ua tiang, momtab a tekoi el llechukl er a Psalm 115:​9-11: “Re chad er a Israel, moumeral ulsirs er a RUBAK! Ng ngosukemiu e sobecheklemiu. Moumeral ulsirs er a RUBAK, kemiu el prist er a Dios! Ng ngosukemiu e sobecheklemiu. Moumeral ulsirs er a RUBAK, kemiu el rokui el meluu er ngii! Ng ngosukemiu e sobecheklemiu.” Ngsebechem el mesa rolel e sel le repeat aika el tekoi a remengitakl e ngngosuterir el lemuches aika el mekreos el klemerang er a uldesuir me a rengrir?

Melisiich a meklou a ultutelel el tekoi. A remilluches a Biblia a lebebil e te mle repeat a meklou a ultutelel el tekoi. El ua tiang, a Jehovah er a ledu er a rechad er a Israel el kmo ngdiak el kirir el menga rasech, e a Moses a mle kirel repeat er tiang el mo er tir el betok el taem. A Dios a mle soal melisiich el kmo a klengar er a chad a ngar er a rasech, me a rasech omtechei er a klengar. (Lev. 17:​11, 14) Uriul e a rechapostol me a remechuodel er a Jerusalem er a lomasech a tekoi el mle kirir a Rekristiano el mengeroid er tir er ngii me lak bo lekingtir a rengul a Dios, e te millisiich er a klungel a ultutelel a lomekiai a rasech.—Rel. 15:​20, 29, BT.

Me alta Biblia repeat a bebil el tekoi me nguaisei engdi tia diak el belkul a kmo ngmo siukang er kid el di omelekl a tekoi. El ua tiang, a Jesus a dilu el kmo: “Sel moluluuch, e lak di momelekl osisiu el tekoi.” (Mt. 6:​7, NW) E a uriul e ngmilskid a tekoi el sebeched el meluluuch el kirel el ngii a oltirakl er a soal a Dios. (Mt. 6:​9-13) Me alta ngdiak di de repeat osisiu el tekoi sel doluluuch engdi ngsebeched el repeat a osisiu el topic sel doluluuch.—Mt. 7:​7-11.

Me ngngar ngii a ungil luchul me a Tekingel a Dios a repeat a ileakl el tekoi. Ngta er aike el betok el rolel e a Ngarbab el Sensei er kid a olisechakl er kid el mo ungilbesud.—Isa. 48:​17, 18.