ΜΕΡΙΚΕΣ φορές, ο τζενέ σο γραφιντέ ι Γραφή βακερένας ακριβώς ο ίδια λάφια. Ντικχέν τριν λόγους σο μπέκιμ αβέλας-πες ανταβά:

Κάνα γραφίντιλι. Κο πουρανό Ισραήλ, ο πο μπουτ τζενέ να τθερένας αντίγραφα κατά Νόμος. Ο πο μπουτ φαρ, ασουνένας ο Νόμος τι διαβάντιβελ ανγκλάλ σαριλέντε κάνα ο λαός γκιντίντιβελας κι σκηνή της μαρτυρίας. (Δευτ. 31:10-12) Επειδή τθερένας ντονταλάι πουμένταρ μπουτ τζενέ, μπέκιμ υπαρχίντιβενας μπουτ πράγματα σο μπορεί τι λένας λένγκι προσοχή καζόμ ισινέ όρθιοι ντα ασουνένας μπουτ σαάτια ο Νόμος. (Νεεμ. 8:2, 3, 7) Ασακέ περιπτωσιέντε, κάνα βακέρντιβενας μπουτ φαρ ο ίδια λάφια, κα αβέλας πο εύκολος ι λαόσκε τι τθερέλ-λεν πι γκοντιάτε ντα τι κερέλ-λεν πι ζωγιάτε. Κάνα βακέρντιβενας μπουτ φαρ μερικά λάφια, ανταβά κα βοηθίνελας-λεν μπουτ τι θυμίνεν ο λεπτομέρειες κατά νόμοι σο ντινάας-λεν ο Ιεχωβά.​—Λευιτ. 18:4-22· Δευτ. 5:1.

Σαρ γραφίντιλι. Η Αγία Γραφή τθερέλα μπουτ ύμνοι ντα γκιλιά, σαρ ισί ο βιβλία Ψαλμοί, Άσμα Ασμάτων ντα Θρήνοι. Μερικές φορές, ο ύμνος ή η γκιλί τθερέλας εκ ρεφρέν. Ανταβά κερέλας πο ξεκάθαρος ο θέμας ι γκιλιάκο ντα βοηθίνελας ι τζενέν τι ντεν-πες γκοντί ο λάφια. Για παράδειγμας, ντεν σημασία κο λάφια σο ισί κο εδάφια Ψαλμός 115:9-11: «Τούι, Ισραήλ, τι ντες μπέσα κο Ιεχωβά​—βοβ ισί λένγκι βοήθεια ντα λένγκι ασπίδα. Τουμέν σο αστάρντιβενα κατά Ααρών, τι ντεν μπέσα κο Ιεχωβά​—βοβ ισί λένγκι βοήθεια ντα λένγκι ασπίδα. Τουμέν σο νταρένα κατά Ιεχωβά, τι ντεν μπέσα κο Ιεχωβά​—βοβ ισί λένγκι βοήθεια ντα λένγκι ασπίδα». Επειδή ο τζενέ σο γκιλιαβένας ύμνοι κα βακερένας μπουτ φαρ ανταλά λάφια, ανταβά κα βοηθίνελας-λεν τι ατσσικιαρέν ανταλά αλήθειες πουμαρέ γκοντιάτε ντα πουμαρέ γκίστε.

Σόσκε γραφίντιλι. Μερικές φορές, ο τζενέ σο γραφιντέ ι Γραφή βακερένας μπουτ φαρ ο λάφια σο τθερένας μπαρί σημασία. Για παράδειγμας, κάνα ο Ιεχωβά ντινάς κο Ισραηλίτες ι εντολή μα τι χαν ρατ, κανονιντάς τι γραφίνελ ο Μωυσής μπουτ φαρ ο λόγος σο δεν έπρεπε τι χαν. Ο Ντεβέλ μανγκέλας τι κερέλ ξεκάθαρος ότι η ζωή οντουλένγκι σο τζουβντιόνα ισί κο ρατ, δηλαδή ότι ο ρατ μανγκέλα τι σικαβέλ ι ζωή. (Λευιτ. 17:11, 14) Σοράν, κάνα ο απόστολοι ντα ο πρεσβύτεροι κι Ιερουσαλήμ γραφιντέ καλέ πραγματένταρ έπρεπε τι ατσσόν ντουρ ο Χριστιανοί για τι κερέν ι Ντεβλέσκο γκι, βακερντέ πάλι καζόμ σημαντικός ισινέ τι ατσσόν ντουρ κατά ρατ.​—Πράξ. 15:20, 29.

Ο Ιεχωβά να μανγκέλας απλώς τι βακεράς μπουτ φαρ ο ίδια λάφια ι Γραφιάκε, σαρ τι αβέλας εκ συνήθεια. Για παράδειγμας, ο Ιησούς βακερντάς: «Τουμαρέ προσευχιέντε, μα βακερέν εμ ο ίδια ντα ο ίδια». (Ματθ. 6:7) Σοράν, βακερντάς καλά ισί μερικά πράγματα σο μπορίνασα τι βακεράς αμαρέ προσευχιέντε, ντα συμφωνίνενα με το θέλημας ι Ντεβλέσκο. (Ματθ. 6:9-13) Άρα, ενώ να βακεράσα εμ ο ίδια ντα ο ίδια λάφια αμαρέ προσευχιέντε, ισινάμ ελεύθεροι τι προσευχίντιβας πάλι ι ίδιε πραγματένγκε.​—Ματθ. 7:7-11.

Οτθάρ, υπαρχίντιβενα σημαντικοί λόγοι σο ο Λάφι ι Ντεβλέσκο βακερέλα μπουτ φαρ μερικά λάφια ντα φράσεις. Ανταβά ισί εκ κατά μπουτ τρόποι σο αμαρό Μπαρό Εκπαιδευτής σικλιαρέλα-αμέν αμαρέ λατσσιμάσκε.​—Ησ. 48:17, 18.