Mem dị yira aạl Baibul phọ, yira kotue ni omiịn imạ araraạr esi oguphogh owaaghị aripigh dị eḅọph r’ipẹ yira aạl bọ. Kuolọ ika kụ idị yira kokạr otue omooghọm suọ dị abụgh iboom?

Legheri abughẹ raraạr dị aBaibul phọ aghaạph ilọ esi r’esi. Esi omaạm, wạ alhegheri oye phọ agẹ bọ ekpịgh phọ, we phọ ogẹ bọ oghiọm, mem mọ ogẹ bọ, sidọl phọ eeghironhom bọ, ipẹ emite bọ omhạn, ḅilhẹ r’ipẹ eḅilhẹ bọ emite ghisigh.

Gbirima raraạr phọ nạ atuughạ bọ esi opuruan aloor anạ sipuru phọ iphẹn: ‘Ika kụ idị awe phọ esi aBaibul phọ eghaạph bọ eghol olhoghoma? Eeghe eegharạ kụ edị bidị oḍeenhaan? Uḍighi ika kụ ewạ bọ mọ mị utuughaạny obobọ ukel omhoọgh araagharạ phọ abidị?’

Sighẹ aḍighinhom raraạr phọ nạ atuughạ bọ mem dị nạ amite epẹ erugh phọ obobọ mem dị nạ odi r’abunhọn awe. Nạ aḍighi ghan iduọn phọ, pọ nạ raḍeenhaan ghan osụ-olhoghi k’Enhaạn. ABaibul phọ akaạph ni mọ: “Torobọ oye lọ asụ olhoghi kaako ni raraạr phọ iphẹn.”—Ps. 107:43.

• Idị nạ kaḍighi: Kparaghạ olhọgh elhegh idị apakirị ituughạ ogboku awiki phọ Aruphua Dị Osighẹ Siphẹ Ekpo-Onhụ Phọ Enhaạn kilhoghonhaạn iyira ḍighaạgh ootughiạn idị yira kotue osighẹ oḍighinhom ipẹ yira m’aạl bọ. Apakirị phọ ophọn phọ ragbor ghan kaphạm sipuru dị yira kopuruan loor, ikpanhạ araraạr okori ogbirima, ḅilhẹ r’oghaạph omaaniọm ooḅeghiọn.