Kinde ma wabesomo Biblia, wacopo timo sayusac pi ninwang’u lonyo mi tipo. Re wacopo timo ang’o dhe pi ninwang’u bero i kumgi?

Mond i thuc mi kpawa mi Biblia. Ku lapor, say nia ng’a m’ukiewo lembene, ekiewe ni ng’a man awene. Lembang’o m’ubino kadhu saa maeca, ang’o m’ular utimere, man ang’o m’udok utimere i ng’eye?

Par pi ponji m’icopo nwang’u. Penjiri kumae: ‘Dhanu ma lembe maeni umulo kumgi gibino winjiri nenedi? Ginyutho kite ma kani? Pirang’o ukwayu alub lapor mi kite maeni kunoke pirang’o ukwayu ngo aceggi?’

Tii ku ponji m’inwang’une i tic mi lembanyong’a kunoke i bedo peri ku dhanu mange. Tek ibed itimo kumeno, nwang’u ibenyutho rieko m’uai i bang’ Mungu, tap calu ma Biblia uyero nia, “dhanu ceke m’utimo lembang’ola pare gibedo ku ng’eyothelembe ma ber.”—Zab. 111:10.

• Paru ma copo konyi: Par pi kite m’icopo tiyo ko ku ponji ma nwang’ere i theng coko mwa m’i kind yenga ma julwong’o Lonyo ma nwang’ere i Lembe pa Mungu. Nja i thenge maeni, wanwang’u penji ma wacopo penjara ko, paru ma wacopo nyamu igi, man cal ma wacopo ng’iyo igi.