Мүгәддәс Китабы мүталиә едәндә охудуғунуз парчаја даир ахтарыш апарсаныз, руһани инҹиләр тапа биләрсиниз. Бәс мүталиәдән там фајда әлдә етмәк үчүн нә етмәк олар?

Дәринлијә варын. Охудуғунуз парчадакы деталлара фикир верин. Мәсәлән, бу суаллар үзәриндә дүшүнүн: «Буну ким јазыб? Нә вахт јазыб? Кимә үнванлајыб? Һадисә һансы шәраитдә баш вериб? Ондан әввәл вә сонра нәләр олуб?»

Өзүнүз үчүн нәтиҹә чыхарын. Бунун үчүн нөвбәти суаллар үзәриндә дүшүнә биләрсиниз: «Һаггында охудуғум инсанлар һансы һиссләри кечирмишди? Онларда һансы хүсусијјәтләр вар иди? Нәјә ҝөрә мән дә бу хүсусијјәтләри тәзаһүр етдирмәлијәм вә ја онлардан узаг дурмалыјам?»

Өјрәндикләринизи тәтбиг един. Өјрәндикләринизи диҝәр инсанларла рәфтарда вә ја хидмәтдә тәтбиг едә биләрсиниз. Белә етсәниз, һикмәтли олаҹагсыныз. Неҹә ки Мүгәддәс Китабда јазылыб: «Әмрләринә әмәл едән ағыллы адамдыр» (Зәб. 111:10).

• Төвсијә: Ҝөрүн һәфтәичи ҝөрүшүн «Аллаһын Кәламындакы хәзинә» һиссәсиндәки материаллар диггәтимизи өјрәндикләримизин тәтбигинә ҹәмләмәјә неҹә көмәк едир. Бу һиссәдә үзәриндә дүшүнмәк үчүн суаллар, фикирләр вә шәкилләр олур.