Ilyo tulebelenga Baibo, kuti twasangamo icuma nga ca kuti twafwailisha ifishinka pa fyo tulebelenga. Nomba kuti twacita shani pa kuti tulesambilila ifingi?

Mulebika sana amano ku lyashi lyonse ilya mu Baibo ilyo mulebelengapo. Ku ca kumwenako, fwailisheni pa kuti mwishibe uwalembele ilyo lyashi, abo alembeele, ne nshita alilembele. Bushe ifintu fyali shani ilyo alelemba, finshi fyacitike ilyo talalemba, kabili finshi fyacitike pa numa ya kulemba ilyo lyashi?

Tontonkanyeni pa fyo mulesambililako ukupitila mu kusanga amasuko ya mepusho pamo nga: ‘Bushe abantu mulebelengapo baleumfwa shani? Mibele nshi bakwete? Mulandu nshi mfwile ukubapashanishisha nelyo mulandu nshi nshifwile ukubapashanishisha?’

Mulekonka ifyo mwasambilila ilyo mulebila imbila nsuma nelyo ilyo muli na bantu. Nga mulecita ifi mukalanga ukuti muli ba mano, nga filya fine Baibo ilanda aiti: “Nani uwa mano? Akatontonkanya pali ifi fintu.” —Amalu. 107:43.

• Ifya kucita: Tontonkanyeni pa fyo iciputulwa citila Icuma Icaba mu Cebo ca kwa Lesa mu kulongana kwa mikalile cilenga twalatontonkanya pa fyo twingalakonka ifyo tusambilila. Ilingi line muli ici ciputulwa mulaba amepusho ayo tulingile ukuyipusha, ifishinka ifyo tulingile ukutontonkanyapo, ne filangililo ifyo twingatontonkanyapo.