Taem yumi ridim Baebol mo mekem risej, yumi save faenem ol gudgudfala samting. ?Be olsem wanem yumi save kasem sam moa gudfala samting?

Digim moa blong traem faenemaot ol smosmol save long ol stori blong Baebol. Eksampol, traem faenemaot se hu i raetem stori ya, hem i raetem i go long hu, mo wetaem hem i raetem. Traem faenemaot se laef blong olgeta i olsem wanem, wanem i hapen bifo mo afta.

Tingbaot ol lesen we yu save lanem taem yu mekem risej long ol kwestin olsem: ‘?Ol man long stori ya oli harem olsem wanem? ?Wanem ol fasin we oli soemaot? ?From wanem mi mas folem o no folem fasin blong olgeta?’

Folem ol lesen we yu lanem, maet long wok blong prij o taem yu dil wetem ol narafala. Taem yu mekem olsem, bambae yu kam waes. Olsem we Baebol i talem: “Man we i waes bambae i lukluk gud ol samting ya.”—Sam. 107:43.

• Traem hemia: Makem olsem wanem ol samting long miting blong medel wik, long haf ya Ol Gudgudfala Samting, i halpem yumi blong folem ol samting we yumi lanem. Long haf ya, oltaem i gat ol kwestin we yumi save askem long yumi wan, ol poen we yumi save tingting dip long hem, mo ol pija we yumi save lanem lesen long olgeta.