Sanga sibaca Pustaka, banci sidat permata rohani alu riset. Tapi uga carana gelah reh buena sidat gunana?

Pelajari terbagesen keterangen-keterangen si lit bas Pustaka. Contohna, ise si nulissa, man ise, ndigan itulis, uga keadanna paksa si e, kai si terjadi sope ras kenca si e.

Ukuri pelajarenna alu ngukuri penungkunen-penungkunen enda: ‘Uga nge perasan kalak si lit i je? Uga nge sipat-sipat kalak e? Uga carata ngusih sipat-sipat si mehuli arah kalak e, ntah uga carata gelah la siusih sipat-sipat si la mehuli arah kalak e?’

Dalanken pelajarenna, misalna sanga erberita ntah pe sanga erurusen ras kalak si deban. Alu bage, banci sicidahken kepentaren bagi si ikataken bas Pustaka: “Ise pe si pentar pasti perdiatekenna kerna si e.”—Ms. 107:43.

• Saran: Bagin Erta bas Kata Dibata si ibahas bas perpulungen tengah pekan banci nampati kita ndalanken kai si enggo sipelajari. Bas bagin e, lit penungkunen si banci sipikirken, topik-topik si banci siukuri, ras gambar si banci siperdiateken.