Dan le waliihanu Bíbülia, aban igaburi le gayaraabei líderaguniwa lun wadarirun ariñahani lúmagiñeti Bungiu le ítarabei kei pérüla, lau wakutihanu Bíbülia buidu. Lau sun lira, ka gayaraabei wadügüni lun wasagarun saragu buiti lídangiñe akutihani le wadügübei?

Teni wamá lun katei buiti le wadarirubei lidan aliihani. Kéiburi, ka abürühabalin sügǘ burí ligía, ídabuga labürüdǘwa ani ka un labürüdǘwa? Ka gádanbaliña ha abürüdübalin? Ka asuseredubei lubaragiñe luma lárigiñe labürüdün?

Samina wamá luagu le wafurendeirubei. Áluaha waméi óunabagülei lun álügüdahani le: “Ida liña hasandiragun gürigia ha lídanbaña sügǘ le, houngua? Ka igaburi harufudubei ani ka uagu lunti lubéi lun náyeihaniña? Ka charati hadügübei ani ka uagu moun lumuti lubéi lun náyeihani?”.

Winwan waméi le wafurendeirubei. Kéiburi, dan le wáfuridun apurichiha o dan le wayanuhan hama gürigia. Ítara wadügüñein le lariñagubei Sálumu 107:​43, le ariñagubei: “Ha chúbaña aau, haritagua hamá luagu katei le, ani gunfuranda hameime línsiñehabu Aburemei”.

• Adundehani: Teni humá lun fánreinti “Adundehani tídangiñeti Bíbülia”, le lídanbei adamuridaguni le adügǘbei labadinagua dimaasu le ñein lubéi ladarirúa ariñahani le gayaraabei lahuudun woun, ani áyeiha waméi ligaburi aturiahani le. Sagü dimaasu lidan fánreinti ligía anihein álügüdahani le gayaraabei wadügüni wóuniwagua, ariñahani le gayaraabei wararamagun asaminara luagu, túmati iyawaü luma dibuhu le gayaraabei wakutihani.