Si ta le kita con el Biblia, puede kita incuntra maga espiritual tesoro si man research kita. Pero paquemodo kita puede mas beneficia?

Pone atencion na maga detalle del maga istoria na Biblia. Por ejemplo, pensa si quien ya escribi con este, para con quien y cuando. Cosa el diila circumstancia, cosa ya sucede antes de ese y cosa ya sucede despues?

Pensa si cosa el maga leccion por medio con este maga pregunta: ‘Cosa sila posible ya sinti? Cosa maga calidad sila ya dale mira? Porque yo debe imita con ese maga calidad o evita con ese?’

Aplica con el maga leccion que ya aprende tu, posible na de tuyu ministerio o na de tuyu tratamiento con otro. Si hace tu este, puede tu dale mira que tiene tu el sabeduria estaba con Dios, igual como cosa ya habla el Biblia: “El sabio hay observa con este maga cosas.”—Sal. 107:43.

• Sugestion: Nota si paquemodo el maga material na Tesoro Estaba na Palabra del Dios na diaton midweek miting ta ayuda kanaton man focus si paquemodo aplica con el cosa kita ya aprende. Este seccion ta contene pregunta que puede kita considera, punto que puede kita medita y letrato que puede kita examina.