Muze tunatange Mbimbiliya, mutuhasa kufupa yikuma yilemu ha kuhengwola. Kuchi mutuhasa kuyuka ha kuhengwola chacho?

Hengwola kanawa yikuma yimwe ha sango ja mu Mbimbiliya. Chakutalilaho, lihule ngwe: ‘Iya wasonekene mukanda uno? Iya te anausonekena? Ha shimbu lia asonekene lusango yono? Yika te yinalingiwa ha shimbu liacho? Yika yaliangile kulingiwa? Yika yalingiwile hanyima?

Nyonga ha malongeso waze walilongesa. Chakutalilaho, lihule ngwe: ‘Kuchi alivwile atu waze ali ha lusango yono? Yitanga yika o asolwele? Mumu liaka natamba kwimbulula yitanga yacho? Ndako yika yipi yize natamba kwecha?’

Kaula malongeso waze wawana muze uli mu munda hanji ha kutwama ni akwenu. Nyi wachilinga, acho musolola mana ngwe chize Mbimbiliya yinambe ha Samu 107:43, ngwo: “Mweswe uli ni mana manyonga yuma yino.”

• Ukwaso: Tala chize sango twakuwana ha chihanda, Yikuma Yilemu ya mu Liji lia Zambi ha kukunguluka cha hakachi ka poso jakutukwasa kukaula yize tunalilongesa mu Mbimbiliya. Chihanda chacho, chikwete yihula yize mutuhasa kulihula, yikuma yize mutuhasa kupukuna ni yizulie yize muyihasa kutulongesa yuma yinji.