Baibal kan rel tik le hlathlainak kan tuah tikah thlaraulei lungvar hna kha kan hmuh khawh. Asinain zeitindah ṭhathnemhnak tam deuh kan hmuh khawh?

Baibal kong a dikthliar hna kha tam deuh in hlathlai. Tahchunhnak ah, Ahonih dah a ṭial, aho sinah dah a ṭial i zeitikah dah a ṭial ti kha ngalh awkah i zuam. Thil sining cu zeidah a si, mah hlan ah zeidah a cang i mah hnuah tah zeidah a cang?

Mah biahalnak hna na hlathlainak thawng in na cawn khawhmi kong hna kha ruat: ‘Na relmi kong i mi pawl nih zeitindah an intuar? Zei sining dah an langhter? Mah an sining kha zeicah naa zohchunh awk a si asiloah zeicah na hrial awk a si?’

Lohmun asiloah midang he nan i pehtlaihnak ah na cawnmi ning in zul. Cutin na tuah ahcun Baibal nih “a fimmi nih cun hi thil hi ruat hna seh” a ti bantuk in fimnak na ngei ve lai.—Salm 107:43.

• Ruahnak Cheuhnak: Zarhlai pumhnak i Baibal Ah Thuhmi Ro Hna timi pumhnak in na cawnmi kong kha na nunnak ah zeitindah na hman khawh timi kong kha ruat. Mah ṭhen ah kan i hal khawhmi biahalnak, kan ruah khawhmi kong hna le kan dothlat khawhmi kong kha aa tel peng.