Ler nou lir Labib, nou kapab rod bann perl spirityel par fer resers. Me ki nou kapab fer pour ganny plis byenfe?

Port latansyon lo bann detay dan bann resi Labib. Par egzanp, rode lekel ki ti ekri sa resi, pour lekel sa resi in ganny ekrir e kan ki sa resi ti ganny ekrir. Ki ti pe arive sa letan, ki ti’n arive avan sa e ki ti arive apre sa?

Reflesir lo leson ki ou kapab aprann par rod larepons bann kestyon parey: ‘Ki mannyer bann dimoun ki mon pe lir lo la, ti santi? Ki kalite zot ti demontre? Akoz mon devret demontre sa bann kalite oubyen akoz mon pa devret devlop sa bann kalite?’

Aplik sa ki ou aprann, petet dan predikasyon oubyen dan lafason ki ou tret lezot. Ler ou fer sa, ou montre ki ou annan lasazes zis parey Labib i dir: “Dimoun saz pou vwar sa bann keksoz.”—Ps. 107:43.

• Sizesyon: Esey vwar ki mannyer sa parti Bann trezor dan Parol Bondye ki dan renyon lasemenn, i ed nou pour reflesir lo ki mannyer nou kapab aplik sa ki nou aprann. Dan sa parti, i souvan annan bann kestyon ki nou kapab demann nou lekor, bann pwen ki nou kapab medit lo la e bann portre ki nou kapab egzaminen.