Kwa Biblö ˗wo pö ˗ni ˈgü, kwa ꞊mɔɔn˗ ˗bha ˈkwa ˗kpan pë ˗sɛŋbɔ ˗nu ˗bha pë mɛɛnˈˈ ˗dhɛ ˈgü. Kwa ˗dho ˈwɔn ˗së ˗nu ꞊slɔɔ ˗a ˈgü ˗kɔ ˗kë ꞊dhɛ?

ˈWɔn ˈsɛɛn˗ ˗nu ˈwo ˗gban ˗kwɛzlan ˗nu ˈwo Biblö ˈgü ˗an ˗bha, ˗kwa ˗an ˈˈpiʋ̈ ˈpɔn. ˗A ˈwɔnzuan ˈnën ˗tɔ ˗kwa kwa ˗de dhɛɛˈˈ ˈkpɔ, ˈkwa˗ pö: «De ˈö Biblö ˈˈpian ˈö yö ˗a ˗bɛnzë? ˗Ya ˗bɛnzë de ˗bha ˈka? ˈˈTʋ̈ŋ ˗mɛɛn ˈö˗ ˗bɛnzë ˗a ˈka? ˈWɔn ˗mɛɛn ˗nu ˈwo kun kë ˗ni ˈgü? ˈWɔn ˗mɛɛn ˗nu ˈö ˗wa kë ˈˈdhiʋ̈ ˗be? ˗A ˗mɛɛn ˗nu ˈwo ˗kë ꞊taabha?»

Dhɛɛˈˈ ˗nu ˈwo yö ˗kwa ˗an ˈkpɔ kwa ˗de ˗gɔ kö ˗gleŋ ˗nu ˈkwa ꞊mɔɔn˗ ˗bha ˈkwa ˗an ˈsü, ˈkwa ˗an dɔ: «Mɛn ˗nu ˈwo ˗kwɛzlan ˈö bhë ˗a ˈgü, ˗wo ˗kun wo ˗de ˈgü ꞊dhɛ? ˈˈKlʋʋsë ˗mɛɛn ˗nu ˈö kun ˗an ˗gɔ? ˈMën ˗kë ˈa dho ˈto ˗an ˗bha ˈwɔnzuan ˗së ˗nu ˈˈpiʋ̈ ɛɛnˈˈ ˈa dho ˈˈkan ˗a yaa ˗nu ˗bha?»

Pë ˗nu ˈö ˈkwa ˗an ˗draan, ˗kwa ˗an ˗ya ꞊bhlëë ˈgü kwa ˗bha ˗Zlan ˗wopösü ɛɛnˈˈ kwa ˈwɔn kë ˗kɔ ˈö mɛn ˈˈwɛɛ ˗nu ˈˈpiʋ̈, ˗a ˈgü. ˈKwa˗ kë ˈˈdhʋ̈, kwa ˗dho kë ꞊kpɔɔsü ꞊dhɛ ˗kɔ ˈö Biblö ˗ya pö ˗a ˈka, ˗a ˈdhö. ˗Ya ˗pö: «ˈMɛn ˈö ꞊kpɔɔsü ˗yö ˗dho pë ˗nu ˈwo bhë ˗an ˈsuan˗ bho.»—Ps. 107:43.

• ˗Gleŋ ˗nu: ˗Kwa kwa ˈˈtʋ̈ŋ kë Pë ˗sɛŋbɔ ˗nu ˈwo ˗Zlan ˗Wo ˈgü kwa ˗bha ˗bhɔkwëë ˈö ˈˈdhoogɔ ꞊zinŋgü ˗a ˈgü, kö ˈkwa kwa ˗zota ˗kɔ ˈö ˈkwa dho pë ˗nu ˈkwa ˗an ꞊draan ˗an ˗ya ˈka ꞊bhlëë ˈgü, ˗an ˈgü. ˗Bhɔkwëë ˈˈpian ˈö bhë ˗a ˈgü, dhɛɛˈˈ ˗nu ˈkwa ꞊mɔɔn˗ ˗bha kö ˈkwa ˗an ˈkpɔ kwa ˗de ˗gɔ, ˈwɔn ga ˗nu ˈkwa ꞊mɔɔn˗ ˗bha ˈkwa kwa ˗zota ˗an ˈgü waa pë ˈˈbin ˗nu ˈkwa ꞊mɔɔn˗ ˗bha ˈkwa ˗an ˗ga, ˗wo mü.