Te we leisi Beibel, u sa ondoosuku den leli fu Beibel moo fini. Ma saw yeepi u fu fende moo wini fu den sani di we sutudeli?

Ondoosuku den toli aini Beibel moo fini. Kande ye leisi wan Beibel buku. Meke moiti fu sabi sama sikiifi en, gi sama a sikiifi, anga on ten a sikiifi. San be pasa fosi a sama ya sikiifi a buku ya? San pasa bakadati?

Pakisei sai sa leli fu a toli di ye luku. Akisi iseefi taki: ‘Fa den sama aini a toli be e fii? Sowtu manii den be abi? Saide mi mu soi den manii ya? Efuso saide mia mu abi den manii de?’

Wooko anga den sani dii leli. Kande i sa wooko anga den sani dii leli aini a peleikiwooko efuso tei de anga taa sama. Efi ye du a sani ya, yo koni. Beibel taki: ‘A sama di koni o si den sani ya.’​—Ps. 107:43.

• Puubei a sani ya: I sa wooko anga den sani di de na a pisi fu a mindiiwiki komakandaa di den e kai Den gudu di de aini a Wowtu fu Gadu. A pisi ya abi akisi dii sa poti gii seefi, sani dii sa teke ten pakisei, anga fowtow dii sa luku.