Je te̱ langa Bibe̱l, je ná di so̱ misanga ma tiki ma mudī yete̱na di po̱ngi muwaso. Nde nje bola ná di bate busane̱ tombwane̱ oten e?

Ala o njiba niponda weno̱ langa bepasi ba Bibe̱l. Wasa k’eyembilan o bia nja nu tili y’epasi, nja a tiledino̱ na o njika ponda pe̱. Ne̱ni mambo ma tano̱ o ni ponda e, nje pe̱ e bolane̱ oboso na ombusa nika e?

Wasa belēdi weno̱ ná o busane̱, tongwea na myuedi ka min: ‘Ne̱ni bato yen epasi e makwaleano̱ ba tano̱ ba senga e? Njika bede̱mo ba lee̱le̱no̱ e? Ońola nje nangame̱nno̱ jembilane̱ be bede̱mo to̱ samba mo̱ e?’

We̱le̱ o ebolo belēdi wokono̱, o ebol’ango̱ ya dikalo to̱ o mulatako mo̱ngo̱ na bane̱. O boli te̱ nika, o me̱nde̱ lee̱le̱ ná we dibie̱, ka nje te̱ yen epas’a Bibe̱l e makwalano̱: “Nu ńe dibie̱ a no̱nge jangame̱ye̱ ońola man mambo.”​—Mye. 107:43.

• Malea mō̱ man: Maka ne̱ni dongo la ndongame̱n a teten a woki M’bwaṅ m’eyal’a Loba di mongwane̱no̱ biso̱ o dutea ne̱ni we̱le̱ o ebolo nje di mokwano̱. Di dongo di be̱n myuedi jeno̱ ná di baise̱ biso̱me̱ne̱, mato̱ti ma mongwane̱ biso̱ o dutea, na maduta.