Nida wili iVolatabu eda rawa ni raica eso na iyau vakayalo nida vakekeli. Ia na sala cava ena yaga kina vakalevu vei keda?

Vakelia vakatitobu na italanoa dina vakaivolatabu. Kena ivakaraitaki, saga mo kila o cei e vola, e volai vei cei, kei na gauna cava. E vacava tu na ituvaki ena gauna ya, na cava e yaco tiko ni bera ni volai, vaka kina ni sa oti?

Vakasamataka na ka o rawa ni vulica ni o vakelia na isau ni taro qo: ‘Na cava na nodra rai o ira na talanoataki tiko? Na itovo cava era vakaraitaka? Na cava meu vakatotomuria kina na itovo qori, se na vuna me kua kina?’

Muria sara na ka o vulica, de dua ena cakacaka vakaitalatala se na nomu veimaliwai. Ni o cakava qori, o vakaraitaka tiko na vuku vakalou, me vaka e kaya na iVolatabu: “O koya ga e vuku ena vakaraica na veika qo.”—Same 107:43.

• Vakatutu: Dikeva na sala mo muria kina na ka o vulica ena itavi ni iYau Mai na Vosa ni Kalou ena soqoni ni lomanimacawa. E tiko kina eso na taro meda taroga, tikina bibi meda vakasamataka vakatitobu, kei na iyaloyalo meda dikeva.