Lò nou ka li Labib, nou pouvé chaché pépit èspirityèl lò nou ka fè réchèrch. Mé kouman nou pouvé profité ankò plis di sa nou ka li ?

Fouyé annan Labib. Parèkzanp, chaché savé kimoun ki ékri sa to ka li, pou kimoun i ékri l’ épi kitan i ékri l’. Annan ki sitiasyon i fè l’ ? kisa ki rivé anvan ? kisa ki rivé apré ?

Chaché wè sa sa ka anprann to. Parèkzanp, doumandé to kò : « Kisa moun-yan ki annan istwè-a rousanti ? Ki kalité yé té gen ? Poukisa mo divèt imité bèl kalité yé té gen ? Poukisa mo pa divèt imité vyé défo yé té gen ? »

Apliké sa to anprann. Parèkzanp annan to travay, annan prédikasyon-an ouben ké ròt-ya. Lò to ka fè sa, to ka imité Bondjé. A sa Labib ka di annan Psaume 107:43 : « Moun-an ki gen sajès ké byen gadé sa bagaj-ya. »

• Pou idé to : Annan réinyon nou ka fè pannan simenn-an, i gen roun parti yé k’aplé « Joyaux de la Parole de Dieu ». Byen gadé kouman sa parti-a ka idé nou réfléchi asou fason nou pouvé apliké sa nou ka anprann annan nou lavi. Annan sa parti-a, yé souvan ka bay nou késyon pou nou pozé nou kò, bagaj pou nou réfléchi ké zimaj ki ka anprann nou bokou bagaj si nou ka byen gadé yé.