Nita ñäke Bibliabätä ngwane, perla ütiäte mikadre täte kwandre nie yekäre känändre. Akwa, ¿dre nuaindre ne kwe kukwe känänta yekwe ni dimikadre?

Kukwe kia kia tä yete mikadre gare nguseta jai nita ñäkebätä ngwane. Ñodre, ¿nirekwe kukwe ye tikani? ¿Ñongwane tikani? Aune ¿Nire kräke tikani? ¿Dre nämäne nemen bare kä ye ngwane? ¿Känenkri aune bitikäre dre namani bare?

Tä dre driere ja töi kräke nie yebätä töbikadre. Kukwe ngwantarita ne erere mikakäre gare mäkwe kukwe känä: “¿Nitrebätä blitata kukwe namani bare nebätä ye ie ja namani ruin ño? ¿Ja töi mikani ño kwetre aune ñobätä ti raba ja ngwen niaratre erere? ¿Dre nuainbare käme kwetre aune ñobätä tikwe ñaka ja ngwandre erere?”.

Kukwe tä nemen gare nie erere nuaindre. Nita niken kukwe driere o nita blite ni madabe ye ngwane. Ye ngwane nita Salmo 107:43 ye mike täte, yete nieta: “Ni töbätä käkwe jondron ne ngwainta törö jai”.

• Kukwe ne erere nuain raba: sección “Kukwe ütiäte bibliabätä”, gätä bämä ngrabare kräke ye tä kukwe ütiäte aune nuäre mike gare, ye erere mäkwe nuain. Bämän kratire kratire sección ne ta kukwe ngwantarita keteiti ngwentari, abokän ni raba ngwentari jai, kukwe keteitibätä nikwe töbikadre aune üai mikata tuare yebätä ni raba ja kite.