Baibel ita duahia neganai, tahua gaukara namona amo, hakaua hereva namodia ita davaria diba. To edena dala ai namo ita abia diba?

Diba ma haida oi abia totona Baibel sivaraidia oi stadilaia namonamo. Hegeregere, daika ese sivarai ia torea, daika dekenai, bona edena negai. Edia noho dalana be edena bamona, dahaka ia vara guna, bona unai murinai dahaka ia vara?

Idia vara gaudia oi lalopararalaia totona, inai henanadai oi laloa: ‘Oi duahia sivarai lalonai idia noho taudia edia hemami be edena bamona? Edena bamona kara idia hahedinaraia? Edia kara do lau tohotohoa eiava lasi?’

Oi dibaia gaudia oi badinaia, reana emu haroro gaukara ai eiava oi hereva henia taudia dekenai. Unai oi karaia neganai, oi be aonega karana oi hahedinaraia, badina Baibel ia gwau: “Ia aonega tauna be unai gaudia do ia laloa.”—Sal. 107:43.

• Dokona: Wiki ena hebou ena kahana, Baibel Ena Hereva Badadia ese ita ia durua, ita dibaia gauna ita badinaia totona. Unai kahana ai nega momo, sibona ita nanadaia diba henanadai idia atoa, ita laloa dobu point, bona do ita stadilaia laulau idia atoa.