Tam i ajiyal an Biblia in tomnál ki aliy más i exobchixtaláb tin kwéntaj jun i pejach. Pero, ¿jantʼoj i éjtowal ki tʼajaʼ abal nixéʼ xi exobchixtaláb chubax tu ku tólmiy?

Ka tsápnanchij ka exlaʼ más tin kwéntaj an tʼilab axi kʼwajat a ajiyal. Jun i tʼiplab, ¿jitaʼ in dhuchaʼ an pejach? ¿Jaykʼiʼ ti dhuchan? ¿Abal jitaʼ pelak an olchixtaláb? ¿Jantʼoj kʼwajatak ti watʼel? ¿Jantʼoj watʼey okʼxidh ani talbél?

Ki tsalpay kʼal an exobchixtaláb axi i exobnál. I éjtowal ki tʼajaʼ i konowixtalábchik ejtíl axéʼ: «¿Jantʼoj in atsʼálak axéʼchik xi atikláb? ¿Jantʼiniʼ jatsak in ey ani jantʼiniʼ u éjtowal ku nitsʼbiy? ¿Jantʼoj játs axi yab in tʼajaʼchik alwaʼ ani jaleʼ ti yab in tomnál ku nitsʼbiy?».

Ka eyendhaʼ ta ejatal jawaʼ a exóbnaʼ. Ejtíl, ka tsápnanchij ka eyendhaʼ tam i ólnom ani tam a tʼilmayal an atikláb. Antsanáʼ neʼets ki tʼajaʼ jawaʼ in ulal an Salmo 107:43: «Axi in kwaʼal i tsalpadhtaláb yab neʼets kin ukʼchiy axéʼ».

• Jawaʼ a éjtowal ka tʼajaʼ: Ka tʼajaʼ ti kwéntaj jantʼiniʼ kʼwajat tsʼejkadh an pejach «Kʼaláb axi ti Biblia». Axéʼ xi pejach in kwaʼal i konowixtalábchik axi i éjtowal ki tʼajaʼ, jayej in kwaʼal i tsalapchik axi i éjtowal ki eyendhaʼ ani in kwaʼal i imágenes.