Lebuh macha Bup Kudus, kitai ulih ngaga pansik ngambika ulih ngiga reta Bup Kudus ti berega. Tang baka ni kitai tau bulih penguntung ti lebih agi?

Bebendar beratika agi penerang pasal sesiti cherita Bup Kudus. Ambika chunto, kitai engka ulih nanya: ‘Sapa nulis cherita nya? Cherita nya dituju ngagai sapa? Kemaya cherita nya nyadi? Nama situasi maya nya? Nama utai ke nyadi sebedau tauka pengudah nya?’

Perundingka utai ti ulih dipelajarka nuan enggau mansik saut ngagai tanya tu: ‘Nama asai ati watak dalam cherita tu? Nama sifat ke diayanka sida? Enti sifat nya manah, baka ni aku ulih neladan nya? Enti ulah sida jai, baka ni aku ulih nyeliahka nya?’

Kena meh utai ti udah dipelajarka nuan, engka ba pengawa nginjil tauka lebuh begulai enggau orang bukai. Lebuh nuan ngereja tu, nuan deka ngasaika pengamat utai ti dipadah Jesus: “Enti kita nemu utai tu, kita deka lantang ati enti kita ngereja nya.”​—Jhn. 13:17.

• Tip: Perundingka baka ni begian Reta ari Bup Kudus ba gempuru tengan minggu nulung kitai berundingka chara kitai ulih ngena utai ti dipelajarka kitai. Begian tu ngembuan tanya ke ulih diperundingka kitai, poin ke ulih dibelematika kitai, sereta gambar ke ulih diperatika kitai.