Eko duuma nɛ alɔ yɔ i jé Ubáyíbu, alɔ lɔfu dɔka ɛnɛɛnɛ ɛlā ŋma ipu nu ŋma lɛ ō jila ɛlā má. Amáŋ ɛgɛnyá nɛ alɔ lɔfu lɛ itene fiyɛ ŋma ipu Ubáyíbu ō jé a?

Jila ɛlā má lipu lipu lɛyikwu aɔ̄kā nōo yɔ ipu Ubáyíbu a. Ocabɔ mafu, jila ɛlā má lɛyikwu ɔcɛ nōo ta ɛga ku Ubáyíbu ɔɔma, ācɛ nɛ ó ta ɔ ohigbu uwa, mla eko nɛ ó ta ɔ a. Ɔdi wɛ āhɔ̄ a, ɔdi ya gbɔbu a, ɔdi kē ya igbihaajɛ a?

Gbɛla lɛyikwu aɛlā nɛ alɔ lɔfu nwu a ŋma lɛ ō jila ɛlá má lɛyikwu aɔka ɛgɛnyā kahinii: ‘Ɛgɛnyá nɛ ɔtu ya ācɛ nɛ a yɔ i jé ɔ̄kā lɛyikwu uwa a? Ɛdɔ uce ō nyá néē mafu a? Ɔdiya nɛ um cika ō gbla ocabɔ ɔɔma ya amāŋ ta ō lɛ ɛdɔ uce ō ya ɔɔma a?’

Bi aɛlā nɛ a nwu a le yuklɔ, á jé ŋ, ipu uklɔ ku ɔna ō ta amāŋ ɔwɛ nɛ a gē ya ɛlā mla ācɛ ɔhá ɛ̄cī doodu a. Ŋma lɛ ō ya lɛ a, a géē jeeyi ɛgɛ nɛ Ubáyíbu ka a. Ó kahinii: ‘Ɔ̄cɛ dúúmā nōo jéeyī, kóō bi ɛlā nyā le yuklɔ.’—Aíjē 107:43.

• Ɔdā nɛ a lɔfu ya: Leyi bi ɛgɛ nɛ aɛlā nōo yɔ aya ku Agbenu Nōo Yɔ Ipu Ɛlā Ku Ɔwɔico ipu ōjila ku ɔtahɛ ku alaadi ku alɔ a, gē ta alɔ abɔ ō gbɛla lɛyikwu ɛgɛ nɛ alɔ lɔfu bi ɛlā nɛ alɔ nwu a le yuklɔ a. Aya nyā gē lɛ aɔka eko doodu nɛ alɔ lɔfu da iyi alɔ, aɔcɛla nɛ alɔ lɔfu gbɛla tu ɔ, mla aifoto nɛ alɔ lɔfu leyi yɛ ɔ a.