Ụka kahị wa ịBayịbụụ, ahị ka jẹ́-ẹ ye ang ụdụ nya olegu bwula ọ-mwahị nya ẹla ịlẹ kị baba u-uhye nya ẹla ọọwa. Ma ányị ahị tị́ ka jẹ́-ẹ ye apyobwuna gụ́ ọọwa?

Ya ẹhị reeji nya ẹla ịkpọnchị ịla uhye nya oja ịla ịBayịbụụ. Ọ-chụ pwokwita, maga ká jẹ́ ọngọ da oja ọọwa, angịlẹ kọ dọọ ta, bala ụka ọlẹ kọ dọọ. Ányị iwe-ahụrụ à tị́ la ụka ọọwa? Ịyẹ à tị́ họ ene nya ụka ọwẹ bala ụka ọlẹ ká ẹla ọọwa họ kpá?

Kụ irya nya ẹla ịlẹ ká ka jẹ́ bwula ọ-mwahị nya ọwẹwẹ nya ịtọ ẹla lala: ‘Ányị ọ tị́ la angịlẹ kam wa oja nyaa wẹ? Abwẹla iyina ị tị la? Ịyẹ tị́ du kam ka gbịla abwẹla ịịwa lee ọ-tụ hyaa?’

Kpa ẹla ọlẹ ká jẹ́ họ ụkụrwọ ụka ká ja kpa ẹrụ ọnyịịla pyẹ lee ụka ká ja họ ẹla bala angịkịla. Bwula ọ-họ ịnyị, à ka mẹjẹ nyori à la ẹla ọjẹ́jẹ o-bwu ẹga nya Ohe, jaabwọ ká ịBayịbụụ ya nyori: “Angị jẹ́ ẹla ā me irya ju ala ịwẹ” kị kpa họ ụkụrwọ mẹ.—Eje. 107:43.

• Ụbwọ Ọdada: Yẹ jaabwọ ká ẹla ịla ụpa nya ọjịra-jịra ọla arịrị nya epwihi ọlẹ kọ ri Ang Ụdụ Omyi Ẹla nya Ohe Oluhye kaa dahị ụbwọ nyọka ya ẹhị rịrị u-uhye nya abwọlẹ kahị ka kpa ẹla ọlẹ kahị jẹ́ họ ụkụrwọ. Ịtọ ẹla ịlẹ kahị ka jẹ́-ẹ tọ ịlọhị, ẹhị nya ẹla ịlẹ kahị ka jẹ́-ẹ kpa kụ irya ju, bala ifoto ịlẹ kahị ka jẹ́-ẹ kpa wụla yẹ, kaa juwa ụpa ọwẹ ụka myị́ ụka.