No basbasaentayo ti Biblia, makabiroktayo kadagiti naespirituan a gameng no ag-research-tayo. Ngem kasano nga ad-adda a magunggonaantayo?

Ammuem ti ad-adu pay a detalye kadagiti salaysay ti Biblia. Kas pagarigan, ammuem no asino ti nangisurat, no siasino ti sinuratanna, ken no kaano a naisurat dayta. Ania dagiti kasasaad idi? Ania dagiti napasamak sakbay ken kalpasanna?

Panunotem dagiti masursurom babaen ti panangi-research-mo kadagiti saludsod a kas kadagitoy: ‘Ania ti narikna dagiti karakter iti basbasaek? Ania dagiti kualidad nga impakitada? Apay a masapul a tuladek wenno saanko a tultuladen dagita a kualidad?’

Iyaplikarmo dagiti masursurom, iti man ministeriom wenno iti pannakilangenmo iti dadduma. No aramidem dayta, ipakpakitam a masiribka ta kuna ti Biblia: “Pampanunotento dagitoy ti asinoman a masirib.”—Sal. 107:43.

• Tip: Kitaem no kasano a makatulong kadatayo ti maadal a material iti paset ti gimong iti tengnga ti lawas a Gameng Manipud iti Sao ti Dios tapno mayaplikartayo dagiti nasursurotayo. Daytoy a seksion ket kanayon a naglaon kadagiti saludsod a mabalintayo nga iyimtuod iti bagitayo, punto a mabalintayo nga utoben, ken ladawan a mabalintayo nga usigen.