Wen yu a riid di Baibl, chrai an fain tingz we kyan elp yu. Bot ou wi kyan du dat?

Wen yu riid wan Baibl tuori, sorch aad fi fain out wa it riili a se. Laik chrai an fain out uu rait it, an uu dem did a rait it tu, wen dem did rait it, an wa mek dem rait it, wa did apm bifuo dem rait it, an wa apm afta dem rait it.

Tingk bout di sitn dem we it a tiich yu. Yu kyan du dat wen yu aks kwestiyan laik: ‘Ou di piipl dem we it a taak bout did fiil? A wa kain-a wiez dem did av? Wa mek mi fi chrai an av di kain-a wiez dem we dem did av, ar wa mek mi no fi tan laik dem?’

Du di sitn dem we yu lorn, laik wen yu de a sorvis an wen yu a diil wid ada piipl. Wen yu du di sitn dem we yu a lorn, yu a-go shuo se yu waiz, kaa di Baibl mek wi nuo se enibadi we waiz a-go du di sitn dem we dem lorn.​—Sa. 107:43.

• Sitn we yu kyan du: Yu kyan luk pan di sitn dem we wi du iina di miitn we wi kip iina di wiik iina di paat we niem Di Chrezha Dem We De Iina Gad Wod, an si ou it elp yu fi du di sitn dem we wi a lorn. Muor taim da paat ya av som kwestiyan iina it we wi kyan aks wiself, an wi wi si som tingz we wi kyan tingk bout an som tuori we wi kyan stodi muor bout.