Chyum Laika hti ai, sawk sagawn ai lam ni galaw ai hku nna, wenyi sut gan ni hpe tam mai ai. Raitim, grau akyu lu hkra gara hku galaw na kun?

Chyum Laika labau hta lawm ai ahkri ahkrai lam ni hpe kahtap hkaja u. Ga shadawn, ndai chyum daw hpe kadai gaw, kadai hpang de, galoi aten hta ka ai kun? Masa lam ni gaw gara hku re ai kun? De a shawng hta hpa byin wa ai kun? De a hpang hta hpa ni byin wa ai kun? ngu ai hpe chye hkra galaw u.

Sharin la lu ai lam ni hpe myit yu u. ‘Nang hti ai lam hta lawm ai masha ni gaw, gara hku hkamsha ai kun? Hpa galaw ai kun? Shanhte gara atsam ningja ni madun wa ai kun? Shanhte zawn galaw na matu (sh) n galaw hkrup na matu hpa majaw shakut ging ai kun?’ ngu nna myit yu u.

Hkaw tsun bungli hta, kaga ni hte kanawn mazum ai lam hta, tinang sharin la wa ai lam ni hpe tatut hkan sa u. “Hpaji rawng ai wa kadai rai ti mung, ndai amu hpe myit yu” nna, Karai a nyan hpaji hpe tatut madun lu na lam Chyum Laika hta tsun da ai.—Shk 107:43.

• Hpaji jaw ai lam: Bat lapran zuphpawng na Karai A Mungga Kaw Na Sut Gan Ni daw hta, tatut hkan sa mai ai gara lam ni nga ai hpe sadi yu u. Anhte myit yu mai ai ga san ni, myit sawn sumru lu ai lam ni, dinglik yu mai ai sumla ni dai daw hta ayan lawm ai.