Yĩla tũũsoma Mbivilia, no tũkwate ũthwii wa kĩ-veva tweeka ũkunĩkĩli. Ĩndĩ tũtonya kwĩka ata tũtetheke mũnango?

Ĩmanyĩsye mũnango ngewa ila syĩ Mbivilianĩ. Kwa ngelekanyʼo, yĩla ũũsoma ngewa yĩ Mbivilianĩ, mantha nũũ wamĩandĩkie, aandĩkĩaa aaũ, na amĩandĩkie ĩndĩĩ. Nĩ kyaũ kyaendeee ĩvinda yĩu, nĩ kyaũ kyaĩ kĩneekĩka, na nĩ kyaũ kyeekĩkie ĩtina wa ũu?

Vindĩĩsya kĩla ũkwĩmanyĩsya kwa kwĩka ũkunĩkĩli ĩũlũ wa makũlyo ta: ‘Andũ ala ngũsoma ĩũlũ woo meewʼaa ata? Maĩ na nguma syĩva? Nĩkĩ naĩlĩte kana ndaĩlĩte kwĩthĩwa take?ʼ

Tũmĩa kĩla weemanyĩsya, na no wĩke ũu ũtavanyʼanĩ kana yĩla wĩ na andũ ala angĩ. Weeka ũu, ũkeethĩwa mũĩ. Na Mbivilia yaĩtye kana “ũla wĩ na ũĩ akakwata maũndũ aa.”—Sav. 107:43.

• Kaũndũ ũtonya kwĩka: Sisya ũndũ kĩlungu “Maũndũ Ma Vata Kuma Ndetonĩ ya Ngai,” kĩla kĩthĩawa Ũmbanonĩ wa Katĩkatĩ wa Kyumwa, kĩtonya kũũtetheesya ũtũmĩe kĩla weemanyĩsya. Kĩlungu kĩu kĩthĩawa na makũlyo tũtonya kwĩkũlya, maũndũ tũtonya kũvindĩĩsya, na ngelekanyʼo tũtonya kũsũanĩa.