យោបល់សម្រាប់សិក្សា
ចូររកចំណេះវិសេសពីបណ្ដាំរបស់ព្រះដែលអ្នកអាចអនុវត្ត
ពេលយើងអានគម្ពីរ យើងអាចរកចំណេះវិសេសពីបណ្ដាំរបស់ព្រះដោយធ្វើការស្រាវជ្រាវ។ ប៉ុន្តែ តើតាមរបៀបណាយើងអាចទទួលប្រយោជន៍ច្រើនជាង?
ចូរស្វែងយល់ថែមទៀតអំពីព័ត៌មានក្នុងកំណត់ហេតុគម្ពីរ។ ជាឧទាហរណ៍ ចូរខំស្វែងយល់ថា តើអ្នកណាបានសរសេរពាក្យនេះ តើគាត់សរសេរទៅកាន់អ្នកណា និងតើគាត់សរសេរនៅពេលណា? តើមានកាលៈទេសៈអ្វី ហើយតើអ្វីបានកើតឡើងមុននិងក្រោយ?
ចូរគិតអំពីមេរៀន ដោយស្រាវជ្រាវចម្លើយចំពោះសំណួរដូចជា៖ ‹តើបុគ្គលក្នុងកំណត់ហេតុនោះមានអារម្មណ៍យ៉ាងណា? តើពួកគេបានបង្ហាញគុណសម្បត្តិឬគុណវិបត្តិអ្វីខ្លះ? ហេតុអ្វីខ្ញុំគួរមានគុណសម្បត្តិដូចបុគ្គលនោះ ឬជៀសវាងពីការបណ្ដុះគុណវិបត្តិទាំងនោះ?›។
ចូរអនុវត្តមេរៀនពីអ្វីដែលអ្នករៀននៅក្នុងកិច្ចបម្រើផ្សាយ ឬក្នុងការប្រព្រឹត្តរបស់អ្នកចំពោះអ្នកឯទៀត។ ដោយធ្វើដូច្នេះ អ្នកបង្ហាញការយល់ធ្លុះជ្រៅ ដូចគម្ពីរចែងថា៖ «អ្នកណាដែលធ្វើតាមបង្គាប់របស់លោក អ្នកនោះបង្ហាញការយល់ធ្លុះជ្រៅ»។—ចសព. ១១១:១០
-
យោបល់៖ សូមកត់សម្គាល់អំពីរបៀបដែលព័ត៌មានក្នុងផ្នែកចំណេះវិសេសពីបណ្ដាំរបស់ព្រះនៅក្នុងកិច្ចប្រជុំសម្រាប់កិច្ចបម្រើនិងជីវិត ជួយយើងឲ្យគិតអំពីរបៀបអនុវត្តអ្វីដែលយើងរៀន។ ផ្នែកនេះក្នុងកិច្ចប្រជុំ ច្រើនតែមានសំណួរដែលយើងអាចសួរខ្លួនឯង ចំណុចដែលយើងអាចរំពឹងគិត និងរូបភាពដែលយើងអាចពិចារណា។