Kyoso ki tutanga o Bibidya, tutena kusota milongi ya katunda mu kutokwesa. Maji, ihi itutena kubhanga phala tukatule mbote yavulu?

Tonginina kyambote o jipondo joso mu mbandu ya Bibidya i wamutanga. Mu kifika, sota kutendela se nanyi wa soneka o musoso mba o mbandu yiyi, wa isoneka phala nanyi ni mu kithangana kyebhi. Maka ebhi exile mubhita mu kithangana kyenyokyo, ihi yabhiti ithangana kudima, ni ihi yabhiti ithangana ku pholo?

Xinganeka mu madisá u utena kudilonga mu kusota kutambwijila ibhwidisu kala yiyi: ‘Kyebhi kyadivu o athu a atumbula mu musoso yu? Idifwa yebhi ya londekesa? Mukonda dyahi ngatokala kukayela o idifwa yiyi mba mukonda dyahi ki ngatokala ku ikayela?’

Kumbidila o ima iwadilongo. Nange utena kubhanga kiki mu ukunji we mba mu kudibhana ni akwenu. Mu kubhanga kiki, eye wanda kala u njimu, kala kizwela o Bibidya: “Woso wa tongoloka muxima a xinganeke o imi’iyi.”—Jisá. 107:43.

• Ndunge: Tala kyebhi o milongi ya kaxi ka semana mu mbandu o Vololo ya Mak’â Nzambi, itukwatekesa kumona kyebhi ki tutena kuxinganeka mu ima itwadilongo. Ithangana yoso, mu mbandu yiyi mwene mu kwiza ibhwidisu itutena kudibhanga, jipondo phala ku jixinganeka ni jifikula mba jifoto ji tutena kutonginina.