We wi de rid di Baybul, wi go ebul luk fɔ valyu tin dɛn bay we wi de du risach bɔt tru tin dɛn we impɔtant. Bɔt aw wi go ebul bɛnifit gud gud wan?

Pe atɛnshɔn pan patikyula tin dɛn we de insay Baybul akawnt dɛn. Fɔ ɛgzampul, tray fɔ no udat bin rayt di akawnt, udat i rayt am to, ɛn ustɛm i rayt am. Wetin na di tin dɛn we bin de apin da tɛm de, wetin bin apin bifo i rayt di akawnt, ɛn wetin bin apin afta i rayt am?

Ɔndastand di lɛsin dɛn bay we yu du risach fɔ kwɛstyɔn dɛn lɛk: ‘Aw di pipul dɛn we di akawnt tɔk bɔt bin fil? Us kwaliti dɛn, dɛn bin sho? Wetin mek a fɔ falamakata dɛn kwaliti dɛn de ɔ tray nɔ fɔ gɛt dɛn?’

Aplay di lɛsin dɛn we yu lan, sɔntɛm na fil savis ɔ we yu de du tin wit ɔda pipul dɛn. We yu de du dat, yu de sho se yu gɛt di sɛns we Gɔd de gi, jɔs lɛk aw di Baybul tɔk: “Ɛnibɔdi we gɛt sɛns go [obe] dɛn tin dɛn ya.”​—Sam 107:43.

• Sɔntin we go ɛp yu: Notis aw di tin dɛn we de ɔnda di pat we se Di Valyu Tin dɛn Frɔm Gɔd in Wɔd na di mitin we wi kin gɛt insay di wik de ɛp wi fɔ tink bɔt aw fɔ aplay wetin wi de lan. Dis pat kin gɛt kwɛstyɔn dɛn ɔltɛm we wi kin aks wisɛf, pɔynt dɛn we wi go tink gud gud wan bɔt, ɛn pikchɔ dɛn we wi kin tek tɛm wach.