Ntangu beto ke tangaka Biblia, beto lenda sosa kuzwa matadi ya ntalu ya kimpeve kana beto kufyongoninaka yawu. Kasi wa’ faso beto lenda kuzwa bambote yina ya ke natinaka?

Tanga na dikebi nyonso masolo yina ke na kati ya Biblia. Na kifwani, sosa kuzaba nani sonikaka disolo yango, samu na nani, mpe na wapi ntangu. Wapi bamambu salamaka, yinki lutaka tekila yandi sonika yawu, mpe yinki salamaka na manima ya yawu?

Kanisa na bileso yina nge lenda longoka na kuyufulaka byuvu mutindu: ‘Wapi yina vandaka makanisi ya bantu yina ba ke na zonzilaka? Wapi bifu ba lakisaka? Samu na yinki mu me lunga kulanda bifwani ya mbote ya bawu to kumanga kukulisa bifu ya bawu ya yimbi?’

Sadila bileso yina nge ke na longokaka, ya lenda vanda na kisalu ya kusamuna to ntangu nge ke sololaka na bantu ya nkaka. Na kusalaka mutindu yina, nge ke lakisa ti nge ke na ndwenga, kaka mutindu Biblia ke zonzaka yawu: ‘Konso muntu yina ke mayela ke tala mambu yayi.’​—Nku. 107:43.

• Dilongi: Tala mutindu mambu yina ke na kitini Bimvwama ya Biblia ya lukutakanu ya lumingu, ke sadisaka beto na kukanisa na faso ya kusadila bamambu yina beto me longoka. Kitini yayi ke na byuvu yina beto lenda yufula, bamambu yina beto lenda yindula, mpe bizizi yina beto lenda fyongonina.