Bu tutangaka Bibila, tulendi baka bimvwama bia timpeve bu tudinga nsangu za nzitukulu. Kâ, ngano bwe tulendi tomo bakila ndandu?

Tomo tima mu misamu mia fioti mitariri binsamu bia Bibila. Mu tifwani, dinga mu zaba ka nani watsoneka tinsamu tio, kwe nani katsonekena tio, mpe ntia ntangu. Ntia misamu miasa ti katsoneka, ntia misamu miatoko yôka mpe ntia misamu mialanda?

Baka malongi bu dinga mvutu mu biyuvu ntiana: ‘Bantu ba bata zonzela ntia mbanzulu zeri nawu? Ntia bifu basongela? Mu bungu dia nti mfweti landila bifu bio peleko mfweti sa keba mu bâ na bio?’

Sarila malongi ma bakiri, kampe bu bâ mu tisalu tia samuna peleko bu bâ na bantu bakaka. Bu sila bo, mbo songela ti ndwenga za Nzambi ze naku, ntiana bu tâka Bibila: ‘Munkwa-ndwenga mbo kakengerela misamu mio.’—Mik. 107:43.

• Malongi: Tala ka bwe titini tia Bimvwama bia Zu dia Nzambi tia mukanda wa lukutakanu lwa luzingu na tisalu titubakisaka mu zaba ka bwe tulendi sarila malongi ma tubakiri. Titini tio mbo tibâka na biyuvu bi tulendi hanina mvutu beto beni, misamu mi tulendi dimbitila, na bifwani bi tulendi taluzula.