Ngaˬ hui Liꞈ hpu gʼaw htaˇ, awˬ hpfuhˇ hkʼaˆ ve awˬ ceuˬ htaꞈ ngaˬ hui na gʼa tuˬ, awˬ leuˉ kʼawꞈ hpfuhˆ nyi ve yoˬ. Yaꞈ hkʼaˇ, ngaˬ hui awˬ bon hkʼa dehꞈ gʼa tuˬ aˬ htoꞈ ma te gʼa sheˍ ve le?

Hkʼa dehꞈ hpfuhˆ nyi ve nawˬ Liꞈ hpu hkʼaw ve awˬ lawn htaꞈ hkʼa dehꞈ hpfuhˆ nyi gʼa ve yoˬ. Tawˇ pa haˉ te kʼo, a shu bvuhꞈ ve, a shu htaꞈ bvuhꞈ piˇ ve, leh hkʼaˬ htaˆ bvuhꞈ taˍ ve htaꞈ nyi ve yoˬ. Oˇ ve teˇ yanˇ hkʼaˬ hkʼe kʼai ve, chi awˬ gʼuˇ suhˍ htaˇ hkʼaˬ hkʼe hpehꞈ ve, leh peuˬ hkʼawꞈ nawˉ hkʼaˬ hkʼe hpehꞈ ve htaꞈ kaꞈ nyi ve yoˬ.

Aˬ htoꞈ ma awˬ bon gʼa ve htaꞈ nyi ve hpfuhˆ nyi htaˇ, na hkawˇ htaꞈ dawˇ nyi sheˍ. Tawˇ pa haˉ te kʼo, ‘ngaˬ gʼaw chehˇ ve awˬ lawn hkʼaw ve chaw hkʼaˬ hkʼe dawˇ ve le? Yawˇ ve te hkʼaˇ dawˇ hkʼaˇ hkʼaˬ hkʼe hpeuꞈ maw laˇ ve le? Yawˇ daꞈ ve te hkʼaˇ dawˇ hkʼaˇ cawˬ ve kʼo, ngaˬ yawˇ htaꞈ hkʼaˬ hkʼe te henˇ yuˬ gʼa tuˬ le? Maˇ heˆ leh yawˇ maˇ daꞈ ve awˬ ceuˬ htaꞈ te ve kʼo, yawˇ hkʼe maˇ hpehꞈ tuˬ ngaˬ hkʼaˬ hkʼe gʼa te cawˇ ve le?’

Hpehꞈ laˬ jaw ve awˬ lawn a shaꞈ teꞈ kuiˬ hkʼaw yuˬ yehˇ sheˍ. Tawˇ pa haˉ te kʼo, Gʼuiˬ sha kanˉ te kuiˬ hkʼaw yuˬ yehˇ ve, maˇ heˆ leh awˬ nu ve chaw geh yehˇ ve yoˬ. Chi hkʼe te ve kʼo, nawˬ Gʼuiˬ sha geh laˬ ve cuˇ yiˍ cawˬ ve yoˬ. Liꞈ hpu hkʼaw kʼoˆ ve, “cuˇ yiˍ cawˬ ve chaw hui awˬ lawn chi teˇ hpaˍ htaꞈ dawˇ nyi” ve yoˬ.—Chiˇ mvuh ve 107:43.

• Hpfuhˆ nyi tuˬ awˬ hkʼaˇ: Liꞈ hpu hkʼaw awˬ hpfuhˇ hkʼaˆ ve awˬ ceuˬ hkʼaw Liꞈ hpu gʼaw ve htaꞈ hkʼaˬ hkʼe te yuˬ yehˇ tuˬ ve awˬ hkʼaˇ shiˍ tuˬ ga laˇ gʼa ve htaꞈ chaˬ nyi sheˍ. Chi teˇ tawn hkʼaw ngaˬ hui a shu yawˇ awˬ to htaꞈ na nyi cawˇ ve, dawˇ nyi tuˬ ve teˇ hpaˍ cawˬ leh awˬ han kaꞈ cawˬ ve yoˬ.