ເຄັດລັບການຄົ້ນຄວ້າ
ຊອກຫາຄວາມຮູ້ທີ່ມີຄ່າທີ່ເຈົ້າຈະເອົາໄປໃຊ້ໄດ້
ຕອນອ່ານຄຳພີໄບເບິນ ເຮົາຈະຄົ້ນຄວ້າຕື່ມອີກເພື່ອຈະໄດ້ຄວາມຮູ້ທີ່ມີຄ່າ. ແຕ່ເຮົາສາມາດເຮັດຫຍັງໄດ້ອີກເພື່ອຈະໄດ້ປະໂຫຍດຫຼາຍຂຶ້ນ?
ຄົ້ນຄວ້າໃຫ້ເລິກເຊິ່ງກວ່າເກົ່າ. ເຈົ້າອາດຄົ້ນຄວ້າເລື່ອງໃນຄຳພີໄບເບິນໃຫ້ເລິກເຊິ່ງຫຼາຍຂຶ້ນ ເຊັ່ນ: ໃຜຂຽນ ຂຽນຫາໃຜ ຂຽນຕອນໃດ ສະຖານະການຕອນນັ້ນເປັນແນວໃດ ມີຫຍັງເກີດຂຶ້ນກ່ອນໜ້ານັ້ນ ແລະເກີດຫຍັງຂຶ້ນຫຼັງຈາກນັ້ນ.
ໃຫ້ຄິດເບິ່ງວ່າເຈົ້າໄດ້ບົດຮຽນຫຍັງ. ຕອນທີ່ຄົ້ນຄວ້າໃຫ້ຄິດເຖິງຄຳຖາມຕ່າງໆເຊັ່ນ: ‘ຄົນທີ່ຢູ່ໃນເລື່ອງທີ່ຂ້ອຍອ່ານຮູ້ສຶກແນວໃດ? ເຂົາເຈົ້າສະແດງຄຸນລັກສະນະຫຍັງແດ່? ເປັນຫຍັງຂ້ອຍຄວນຮຽນແບບຄຸນລັກສະນະເຫຼົ່ານັ້ນຫຼືເປັນຫຍັງຂ້ອຍຄວນຫຼີກລ່ຽງຄຸນລັກສະນະແບບນັ້ນ?’
ເອົາສິ່ງທີ່ຮຽນໄປໃຊ້. ເຮົາອາດເອົາສິ່ງທີ່ຮຽນໄປໃຊ້ໃນວຽກປະກາດຫຼືເມື່ອເຮົາຕິດຕໍ່ພົວພົນກັບຄົນອື່ນ. ເມື່ອເຮັດແບບນີ້ ເຮົາສະແດງໃຫ້ເຫັນວ່າເຮົາມີສະຕິປັນຍາຈາກພະເຈົ້າແລະເປັນຄົນສະຫຼາດຄືກັບທີ່ຄຳພີໄບເບິນບອກວ່າ: “ຄົນສະຫຼາດຈະສັງເກດເບິ່ງສິ່ງເຫຼົ່ານີ້.”—ພສ. 107:43
-
ເຄັດລັບ: ລອງສັງເກດເບິ່ງວ່າເນື້ອໃນທີ່ຢູ່ໃນສ່ວນຄວາມຮູ້ທີ່ມີຄ່າຈາກພະເຈົ້າຊ່ວຍເຮົາແນວໃດໃຫ້ເອົາບົດຮຽນທີ່ໄດ້ຈາກການອ່ານພະຄຳພີໄປໃຊ້. ຕາມປົກກະຕິແລ້ວ ສ່ວນນີ້ຈະມີຄຳຖາມທີ່ໃຫ້ເຮົາຖາມໂຕເອງ ມີຈຸດຕ່າງໆທີ່ໃຫ້ຄິດຕຶກຕອງ ແລະມີຮູບເພື່ອໃຫ້ເຮົາເບິ່ງ.
