Namwilerigi Bibiliya iyo podi ofwanya dhoviteya dhomuzimuni wodhela osayela. Mbwenye nnande aavi osayela dhoviteya dhomuzimuni?

Osayelege pamadhene dhopadduwa dha mBibiliyani. Motajhiha, wikohege: ‘Alebile baani? Amulebela aani? Elebiwe mudhidhi baani? Makathamiho baani yaliwo? Ahinathi werana ethu-sithu yapadduwile ddi? Ki vasogolova yapadduwile ddi?’

Wubuwelege dhithu onahudheriwe. Motajhiha, wikohe: ‘Athu enasorihiwa va yolebela ela yaali aavi? Ekalelo baani aliwa yonihiliwa? Mwahaya bwaddi ginohowela otajhiha ekalelo ala? Ekalelo baani yabure ginahowelimi orabela?’

Oparihedha mabasa dhithu ohudheriwe wakala mmabasani oolaleya obe wathapanyaga naathu kadda labo. Werana ndo onere woniha wi ohukanna enonelo, ndala ninga anawoga Salmo 107:43 anihina: ‘Muthu athotho anere opendda dhithu dhendha.’

• Yoxagiha: woone makalelo muselu dhinafwanyeya epaddi Dhorela dha madhu a Mulugu, nnalabihedhihu mmutugumanoni dha vaari va sumana, dhinanikaviheriwa opwasedha woona makalelo ooparihedha mabasa edhe nnahudherihu mBibiliyani. Epaddi eyo ehikanna makoho nnahowelihu wikoha, dhithu nnahowelihu opendda ni fotu dhinanihudhiha.